ព្រះសីហនុ៖ប្តីប្រពន្ឋពីរនាក់ ដែលមានជំនាញខាងកាច់ករម៉ូតូត្រូវបានកម្លាំងសមត្ថកិច្ចប៉ុស្តិ៍រដ្ឋបាលសង្កាត់លេខ៤ តាមប្រមាញ់និងធ្វើការឡោមព័ទ្ឋឃាត់ខ្លួនបានកាលពីវេលា១១និង៣៥នាទីថ្ងៃទី០១សីហារឆ្នាំ២០១៤ ត្រង់ចំនុចផ្ទះជួលស្ថិតក្នុងក្រុមទី១២ភូមិ៤ សង្កាត់លេខ៤ ក្រុងព្រះសីហនុបន្ទាប់ជនសង្ស័យបានធ្វើសកម្មភាពកាច់ករកាលពីយប់ថ្ងៃទី៣១កក្កដានៅម្តុំមន្ទីកសិកម្មខេត្ត។
តាមការឲ្យដឹងពីលោក លុយ ហាំង នាយប៉ុសិ៍្តរដ្ឋបាលនគរបាលសង្កាត់លេខ៤ បានបញ្ជាក់ឲ្យដឹងថា បន្ទាប់ពីទទួលបានពាក្យបណ្តឹងផ្ទាល់មាត់ពីជនរងគ្រោះដែលបានបាត់ម៉ូតូមក កម្លាំងរបស់លោកបានព្យាយាមធ្វើការស្រាវជ្រាវមុខសញ្ញាជនសង្ស័យ ទាំងឡាយដែលបានជាប់ក្នុងបញ្ចីខ្មៅ រហូតដល់ម៉ោង១១និង៣៥នាទីថ្ងៃត្រង់ថ្ងៃទី០១សីហារឆ្នាំ២០១៤ បណ្តាញរបស់សមត្ថកិច្ចបានបង្ហាញពីមុខសញ្ញា ទើបលោកបានបញ្ចាកម្លាំងភ្លាមៗធ្វើការឡោមព័ទ្ឋទីតាំងសង្ស័យ ក្រោយពីបានចូលក្នុងផ្ទះសមត្ថកិច្ចឃាត់ខ្លួនបានមនុស្សចំនួន២នាក់រួមជាមួយវត្ថុតាងជាច្រើន ក្នុងនោះរួមមាន: ម៉ូតូម៉ាក ហុងដាសេ១២៥សេរី២០១៤ ស្លាកលេខម៉ូតូ សោកាច់ករអក្សរតេ កញ្ចក់ម៉ូតូនិងសម្ភារ:មួយចំនួនទៀត។ជនសង្ស័យដែលសមត្ថកិច្ចឃាត់ខ្លួននោះមានឈ្មោះ អាម សូ ភេទ ប្រុស អាយុ២៣ឆ្នាំ មានស្រុកកំណើតភូមិកោះខែល ឃុំកោះខែល ស្រុក ស្អាង ខេត្តកណ្តាល ជាប្តី និង ប្រពន្ឋឈ្មោះ បេ ស្រីណា ភេទស្រី អាយុ២៤ ឆ្នាំ បច្ចុប្បន្នអ្នកទាំងពីរស្នាក់នៅ ផ្ទះជួលកន្លែងចាប់ខ្លួន។
សូមបញ្ជាកផងដែរថា ជនសង្ស័យជាប្តី ធ្លាប់ជាប់ពន្ឋធនាគាប្តងរួចមកហើយពីបទប៉ុនប៉ងប្លន់ ហើយត្រូវបានតុលាការចេញដីការដោះលែងកាលពីថ្ងៃទី០៧ខែ០៥ឆ្នាំ២០១៣។
ក្រោយឃាត់ខ្លួនសមត្ថកិច្ចប៉ុស្តិ៍រដ្ឋបាល បានបញ្ជូនខ្លួនជនសង្ស័យទាំងពីរនាក់ រួមជាមួយវត្ថុតាងទៅកាន់អធិការក្រុង នឹងកំពុងបន្តស្រាវជ្រាវបក្សពួកដែលបាននឹងកំពុងរត់គេចខ្លួន៕
មតិយោបល់