មន្ត្រីជាន់ខ្ពស់ក្រសួងធនធានទឹក និងឧតុនិយម បានឲ្យ ដឹង នា ព្រឹកថ្ងៃទី២ ខែសីហា ឆ្នាំ២០១៤ ថា គិតមកត្រឹមរសៀល
ថ្ងៃទី០២ ខែសីហានេះជំនន់ទឹក ភ្លៀង និង ជំនន់ទឹក ទន្លេមេគង្គបានហក់ឡើងយ៉ាងគំហុក ដោយបានធ្វើឲ្យខេត្តចំនួន១២រងផលប៉ះពាល់ ហើយនៅ តំបន់ខ្លះ ទឹក ឡើងលើសពីការប្រកាសអាសន្នទៅទៀត។
ឯកឧត្តម ចាន់ យុត្ថា នាយកខុទ្ទកាល័យ និង អ្នកនាំពាក្យក្រសួងធនធាន ទឹក និងឧតុនិយមបានថ្លែងថា ខេត្តទាំង១២ដែលរងផលប៉ះពាល់នោះរួមមានខេត្តកំពង់ធំ មានស្រុកចំនួន២ និងឃុំចំនួន៤ រងគ្រោះ ដោយ ជំនន់ ទឹកភ្លៀង។ ខេត្តត្បូងឃ្មុំ មានស្រុកចំនួន១ និង ឃុំចំនួន១ប៉ះពាលដោយជំនន់ទឹកភ្លៀង។ខេត្តព្រៃវែង មានស្រុកចំនួន៤ ឃុំចំនួន១០ ប៉ះពាល់ដោយជំនន់ទឹកភ្លៀង និងជំនន់ទឹកទន្លេមេគង្គ។ ខេត្តស្វាយរៀង មានស្រុកចំនួន១ និង ឃុំចំនួន១ប៉ះពាល់ ដោយជំនន់ទឹកភ្លៀង និង ជំនន់ទឹកទន្លេមេគង្គ។ ខេត្តកណ្តាល មានស្រុកចំនួន២ និង ឃុំចំនួន២ ប៉ះពាល់ដោយជំនន់ទឹកទន្លេ។ ខេត្តក្រចេះ មានស្រុកចំនួន៥ឃុំ ចំនួន១២ប៉ះ ពាល់ជំនន់ទឹកភ្លៀង និង ជំនន់ទឹកទន្លេមេគង្គ។ ខេត្តកែប មានស្រុកចំនួន១ ឃុំចំនួន៣ ប៉ះពាលដោយជំនន់ ទឹកភ្លៀង។ ខេត្តព្រះវិហារ មានស្រុក ចំនួន១ឃុំចំនួន៣ប៉ះពាល់ដោយជំនន់ទឹកភ្លៀង។ ខេត្តឧត្តមានជ័យ មានស្រុកចំ នួន២ឃុំចំនួន៤ ប៉ះពាល់ដោយជំនន់ទឹកភ្លៀង។ ខេត្តមណ្ឌលគិរី មានស្រុកចំនួន ១ឃុំ ចំនួន៥ប៉ះ ពាល់ដោយជំនន់ទឹកភ្លៀង។ ខេត្តរតនគិរី មានស្រុកចំនួន២ឃុំចំនួន៤ប៉ះពាល់ ដោយជំនន់ទឹកភ្លៀង និង ខេត្តស្ទឹងត្រែងប៉ះពាល់ដោយជំនន់ ទន្លេមេគង្គ។
ឯកឧត្តម ចាន់ យុត្ថា ឲ្យដឹងបន្តថា ចំពោះផ្ទៃដីកសិកកម្មដែលរងផលប៉ះ ពាល់ដោយសារគ្រោះជំនន់ទឹកភ្លៀង និង ជំនន់ទឹកទន្លេមេគង្គសរុបមានស្រូវ ចំនួន២ ៩៦៥ហិកតា ខូចខាតចំនួន៣៩ហិកតា ចំណែកដំណាំរួមផ្សំ មាន៧៤៩ហិកតាខូចខាតចំនួន២១៩ហិកតា។ ឯកឧត្តមនាយកខុទ្ទកាល័យបញ្ជាក់ថា ស្ថានភាពទឹកទន្លេ មេគង្គ នៅប្រទេសថៃ និង ប្រទេសឡាវបានស្រកបណ្តើរ ៗហើយ ប៉ុន្តែដោយសារមានភ្លៀងធ្លាក់នៅក្នុងប្រទេស យើងផង និង ប្រទេសឡាវមួយផ្នែក និង ប្រទេសវៀតណាម បានធ្វើឲ្យទន្លេសេសាន្ត ទន្លេសេកុង និងទន្លេ ស្រែពកជន់ឡើងខ្លាំង ហើយទន្លេទាំងបីនេះវាហូរមកប្រសព្វគ្នានៅត្រង់ទីរួម ខេត្តស្ទឹងត្រែងធ្វើឲ្យខេត្តមានជំនន់ ខ្លាំង និងបានហូរចាក់ចូលមកទន្លេមេគង្គវិញ ប៉ុន្តែនៅខេត្តស្ទឹងត្រែងទឹកអាចនឹងហក់ឡើងខ្ពស់មួយថ្ងៃទៀត ហើយនៅថ្ងៃទី៤ ល្ងាចទឹកអាចស្រកចុះវិញ។
ឥឡូវនេះទឹកនៅខេត្តស្ទឹងត្រែងកម្ពស់១១,២២ម៉ែត្រដែលកម្រិតប្រកាសអាសន្នត្រឹមតែ១០,៧០ម៉ែត្រប៉ុណ្ណោះ។ នៅខេត្តក្រចេះទឹកមានកម្ពស់២២,៦៣ម៉ែត្រ នៅថ្ងៃស្អែកនេះនឹងឡើងដល់កម្រិតប្រកាសឲ្យប្រុងប្រយ័ត្ន ហើយ កម្ពស់ទឹកមាន២២ម៉ែត្រ។ ចំណែកខេត្តកំពង់ចាមក៏អាចនឹងដល់ឡើង ដល់កម្រិតប្រកាសអាសន្នដែរគឺមុន និង ក្រោយគ្នាមួយថ្ងៃៗ ចំណែកឯការស្រកចុះក៏អញ្ចឹងដែរ៕
មតិយោបល់