កម្មវិធី The Voice Cambodia ដែលបានបង្ហាញលើកញ្ជាក់ទូរទស្សន៍ហង្សមាស កាលពីថ្ងៃអាទិត្យ ពិតជាទទួលបានការចាប់អារម្មណ៍ យ៉ាងខ្លាំង ពីបណ្តាអ្នកលេងទំព័រ ហ្វេសប៊ុក និង ទស្សនិកជន តាមបណ្តាខេត្ត បានសរសើរថា ពិតជាអស្ចារ្យ ដែលកម្ពុជាមានកម្មវិធី ដ៏ល្អនេះ បើទោះបីជាគ្មានរូបសម្រស់ស្រស់ស្អាត ក៏អាចបញ្ចេញសមត្ថភាពបានដែរ ឲ្យតែមាន សំលេងពិរោះ ។
ទន្ទឹមជាមួយនេះដែរ កម្មវិធី ដំបូងគេនៅកម្ពុជា The Voice Cambodia ក៏មិនទទួលបានការគាំទ្រ ផងដែរ ជាមួយនឹងអ្នកលេងបណ្តាញសង្គមហ្វេសប៊ុកមួយចំនួន ដោយរិះគន់ទៅលើ គណៈកម្មាធិការទាំង ៤ នាក់ ក្នុងនោះមាន តារាចម្រៀង ឱក សុគន្ធកញ្ញា ពេជ្រ សោភា ណុប បាយ៉ារិទ្ធ និង លោក ឆន សុវណ្ណរាជ ។ ជាមួយនឹងពាក្យពេចន៍ រិះគន់ ដែលបង្កប់នូវអត្ថន័យដ៏ជ្រៅឥតសំចៃមាត់អាច ធ្វើឲ្យតារាចម្រៀង ៤ ដួង ជាគណៈកម្មាធិការ The Voice Cambodia និង អ្នកគាំទ្រ តារាទាំងនោះ ឈឺក្បាល ក្តៅចុងច្រមុះ ។
ឃ្លាដែលរិះគន់ដែលត្រូវបានគេចែកចាយនៅលើបណ្តាញសង្គមហ្វេសប៊ុកនោះ សរសេរថា “តារាទាំង ៤ នេះសមតែជា ធ្វើបេក្ខជនប្រលង ព្រោះគ្មានសមត្ថភាព គ្រប់គ្រាន់ មិនដែលឆ្លងកាត់ការប្រលង ចូលធ្វើតារាតាមខ្សែ តាមខ្នង ” ។
មួយឃ្លានេះ វាបានក្លាយជាអធិប្បាយកកឈាម មួយប្រាវ របស់អ្នកគាំទ្រ របស់តារាទាំង ៤ ក៏ប៉ុន្តែ ក្រោយការចែករំលែក អ្នកគាំទ្រ និងជាលេងហ្វេសប៊ុក ឈ្មោះ Panha Lim បានសរសេរ តប បង្កប់នូវរិះគន់អ្នកដែល រិះគន់ទៅលើ តារាទាំង ៤ ថា “ខ្ញុំសូមនិយាយតាមអ្វីដែលខ្ញុំយល់ឃើញថាអ្នកទាំងបួនអ្នកគាត់មិនមែនជាគណៈកម្មការឬអ្នកដាក់ពិន្ទុ ឱ្យបេក្ខជនប្រលងជាប់ឬធ្លាក់នោះទេគឺគាត់មានតួនាទីជ្រើសបេក្ខជនដើម្បីធ្វើជាកូនក្រុមរបស់ពួកគាត់យកទៅបង្ហាត់បង្រៀនដើម្បីឈានទៅដល់ដំណាក់កាលជ្រើសរើសចុងក្រោយថាឱ្យបេក្ខជនឬបេក្ខនារីណាមួយជាប់ជាកំពូលតារាប្រចាំ The Voice Cambodia ហើយការបង្ហាត់នោះដែរក៏មិនមែនពួកគាត់ទាំងបួនជាអ្នកបង្ហាត់ទាំងអស់គឺមានគ្រូបង្ហាត់ជំនាញៗដែលមកបង្ហាត់ហើយពួកគាត់មានចំណែកចែករំលែកបទពិសោធន៍ជូនទៅដល់កូនក្រុមរបស់គាត់ដើម្បីធ្វើការប្រកួតឱ្យបានជ័យលាភីពីកម្មវិធីនេះខ្ញុំសូមអធ្យាស្រ័យប្រសិនណាបើខ្ញុំផ្តល់មតិទៅមានការខុសចិត្តគ្រប់គ្នា តែនេះជាអ្វីដែលខ្ញុំបានដឹងតិចតួច ហើយខ្ញុំចង់ឱ្យរៀនផ្តល់តម្លៃដល់កម្ពុជា បន្តិចខ្លះផង កុំឱ្យតែអីដែលកម្ពុជាធ្វើតាមបរទេសអ្នកតែងតែនិយាយថាមិនដូចគេមិនអស្ចារ្យដូចគេ ខ្ញុំយល់ថាអ្នកផ្តល់តម្លៃដល់គេច្រើនពេកទើបមើលមិនឃើញពី តម្លៃដែលខ្មែរខំធ្វើ ។រឿងមួយទៀត អ្នកដែលបាននិយាយថាបងស្រី ឱក សុគន្ធកញ្ញា ពូកែជំទាលនោះអ្នកកំពុងតែថាខ្លួនអ្នកហើយ ព្រោះថាអ្នកមិនពូកែជំទាលតែអ្នកពូកែរិះគន់គេ សួរតាមត្រង់ថាអ្នកអាចធ្វើអ្វីបានខ្លះហើយ អ្នកអាចធ្វើបានដូចគាត់ដែរឬទេ អត់ទេ អ្វីដែលគាត់ធ្វើបានអ្នកប្រាកដជាធ្វើមិនបាន ហើយអ្វីដែលអ្នកធ្វើបានគឺគាត់អាចនឹងធ្វើមិនបានដូចគ្នា ព្រោះមនុស្សមាននិស្ស័យមិនដូចគ្នា មានជំនាញខុសគ្នាបង កញ្ញា គាត់មាននិស្ស័យ ក្រមិចក្រមើមលេងសើចច្រើន ទើបគាត់លេងសើចច្រើនបែបនេះហើយអ្នកប្រហែលជាមិនចូលចិត្តគាត់ទើបអ្នករិះគន់ វាដូចគ្នាទេបើគេមិនចូលចិត្តអ្នកគេក៏ថាឱ្យអ្នកដូចតែគ្នាទេណា ខ្ញុំសង្ឃឹមថាអ្នកនឹងគិតសារជាថ្មី សូមអគុណ ហើយក៏សុំទោសម្តងទៀត ផង” ។
ជាមួយនឹងគ្នានេះដែរ ក៏មានអ្នកជួយបន្ទរ ដោយការគាំទ្រ ទៅលើសំណេរ ដែលម្ចាស់គណនីខាងលើ បានសរសេរបង្ហោះ។
មតិយោបល់