កាលពីថ្មីៗនេះ ទស្សនាវដ្ដីដ៏ល្បីរបស់អាមេរិក Forbes បានបង្ហាញរបាយការណ៍ប្រចាំឆ្នាំរបស់ខ្លួន ទៅលើចំណាត់ថ្នាក់នៃបុគ្គលិកដែលមានទ្រព្យស្ដុកស្តម្ភទៅតាមលំដាប់ថ្នាក់ ដោយក្នុងនោះ លោក Bill Gates សហស្ថាបនិក និងជាអតីតនាយកប្រតិបត្តិ Microsoft បានជាបុគ្គលិកដែលមានទ្រព្យច្រើនជាងគេបំផុតរហូតដល់ ៧៦ពាន់លានដុល្លារអាមេរិក ដោយឡែកលោក ថាក់ស៊ី ស៊ីណាវ៉ាត្រា អតីតនាយកប្រតិបត្តិថៃ និងត្រូវជាបងប្រុសរបស់អ្នកស្រីយីងឡាក់ ដែលគេល្បីឈ្មោះថាជាអ្នកមានទ្រព្យច្រើននោះ មិនបានស្ថិតក្នុងចំណាក់ទាំង ១០០០នោះទេ ប៉ុន្តែលោកជាប់លេខ ៦នៅក្នុងប្រទេសថៃ។
យោងតាមការបញ្ជាក់ពីទស្សនាវដ្ដី Forbes អ្នកដែលមានទ្រព្យច្រើនជាងគេនៅក្នុងប្រទេសថៃ លេខ១ បានទៅលើលោក ថានីន ជៀរ៉ាវ៉ានុក ម្ចាស់ក្រុមហ៊ុនគ្រឿងឧបភោគបរិភោគ ដែលមានទ្រព្យសម្បត្តិសរុប ១១,៤ពាន់លានដុល្លារអាមេរិក រីឯលេខ២ បានទៅលើលោក ចារើន ស៊ីរី វ៉ាត់ថាណាក់ផាកឌី ម្ចាស់ក្រុមហ៊ុនស្រាបៀ ឆាង ដែលមានទ្រព្យ ៩ពាន់លានដុល្លារអាមេរិក ចំណែកលេខ ៣បានទៅលើ លោក វ៉ានិច ឆាំយ៉ាវណ្ណ ម្ចាស់ក្រុមហ៊ុនធនារ៉ាប់រងជីវិត មានទ្រព្យ ៣,៦ពាន់លានដុល្លារអាមេរិក ដោយក្នុងនោះ លោកថាក់ស៊ី បានស្ថិតនៅក្នុងលេខរៀងទី៦ ដោយលោកមានទ្រព្យ ១,៦ពាន់លានដុល្លារអាមេរិក៕
មតិយោបល់