​បារាំង​៖​កីឡាករ ខ្សែប្រយុទ្ធ​ក្លិប Zlatan Ibrahimovic របស់​ក្លិប PSG បាន​ច្រានចោល ការអះអាង ថា​គាត់​ចង់​បញ្ចប់​​អាជីព​របស់​ខ្លួន នៅ​អតីត​ក្លិប Juventus ។​
​ខ្សែប្រយុទ្ធ​វ័យ ៣២ ឆ្នាំ រូបនេះ​ត្រូវបាន​ចុះកិច្ចសន្យា​ជាមួយ​នឹង Ligue 1 រហូតដល់ ឆ្នាំ ២០១៦ ប៉ុន្តែ សម្រាប់ PSG នៅតែ​បើកចំហរ សម្រាប់​ការចាកចេញ​របស់គាត់ ។​
​ក្នុង​បទ​សំភាស ជាមួយនឹង​គ្រូបង្វឹក សញ្ជាតិ ស៊ុយ​អ៊ែត លោក Stefan Hansson ជាមួយនឹង សារព័ត៌មាន Tuttosport បាន​អះអាង​ថា “​កីឡាករ Ibrahimovic អាច​វិល​ត្រឡប់​ទៅកាន់ Juventus ” ។​

​ទន្ទឹម​ជាមួយនឹង​គ្នា​នេះ​ដែរ Zlatan Ibrahimovic បាន​ចេញ​មុខ​បកស្រាយ​ថា “​ខ្លួន​មិន​ដែល​ស្គាល់ បុរស Stefan Hansson នោះទេ ហេតុ​អ្វី​គាត់​ហាន​អះអាងថា ខ្ញុំ​វិល​ទៅកាន់ Juventus ពិតជា​រឿង​មិន​សម​ហេតុផល ដែល​ជា​ហេតុ​ធ្វើឲ្យ​ខ្ញុំ​ប្រតិកម្ម​” ។​
​បញ្ជាក់​ផង​ដែរ​ថា កីឡាករ Zlatan Ibrahimovic ចូលរួម​លេងឲ្យ PSG នៅ​ឆ្នាំ ២០១២ ដោយ​រក​គ្រាប់​បាល់​បាន ៥៨ គ្រាប់ ក្នុង ៦៨ ប្រកួត ៕​