ភ្នំពេញ ៖ រសៀលថ្ងៃទី ១១ ខែ កញ្ញា នេះ ក្រុម U21 របស់កម្ពុជា បានបន្ត ដោយលុតក្រុម សឹង្ហបុរី ក្នុងលទ្ធផល ៣ – ១ ខណ:ដែលជើងទី ១ បានយកឈ្នះម្ចាស់ផ្ទះប្រុយណេ ក្នុងលទ្ធផល ១ – ០ ។
សម្រាប់ពានរង្វាន់ ស្តេចព្រុយណេ នេះដែរ យើងសង្កេតឃើញថា ថ្វីជើងកីឡាករកម្ពុជា កាន់តែមានសន្ទុះទ្វេដង ជាជាងរាល់ឆ្នាំ ដោយអាចសម្រេចយកជ័យជម្នះពីរជើងជាប់គ្នា ដោយមាន ៦ ពិន្ទុ សម្រាប់គ្រុប B U21 ។ គ្រាប់បាល់បើកឆាក របស់ ក្រុមបាល់ទាត់កម្ពុជាអាយុ ក្រោម ២១ ឆ្នាំ គឺបំប៉ោងសំណាញ់ដោយ ខ្សែប្រយុទ្ធចម្ការកៅស៊ូបឹងកេត កីឡាករ ចាន់ វឌ្ឍនាកា នៅនាទី ទី ២១ខណ:២គ្រាប់ទៀត របស់បានដោយកីឡាករ ណុប តុលា និង ប្រាក់ មុន្នីឧត្តម នៅនាទី ទី ៣៧ និង៤៣ ។ ចំណែក ១គ្រាប់របស់ សិង្ហបុរី រកបាននៅដើមតង់ទីពីរ ។
ជាមួយនឹងលទ្ធផល ដ៏អស្ចារ្យនេះ បានធ្វើឲ្យអ្នកស្នេហាវិស័យ កីឡានៅកម្ពុជា មានក្តីរំភើប ដែលឃើញ កីឡាករកម្ពុជា រីកមុខ នៅបរទេស នឹងសង្ឈឹមថា អាចនឹងធ្វើបានល្អ ខណ:ដែល នៅជំហានបន្ទាប់ជួបជាមួយនឹង ម៉ាឡេស៊ី ឥណ្ឌូនេស៊ី និងវៀតណាម ។
បណ្តាញសង្គមហ្វេសប៊ុកដ៏ធំ បានក្លាយជាប្រធានបទ វែកញែក និងគាំទ្រ ដល់ ពិភពកីឡាករកម្ពុជា ជាពិសេស U21 កំពុងធ្វើការយ៉ាងសស្រាក់សស្រាំដើម្បីជាតិ មាតុភូមិ ៕
មតិយោបល់