​អេ​ស្ប៉ាញ ៖​ក្លិប Real Madrid បាន​យក​គោលនយោបាយ​ធានារ៉ាប់រង​ជូន​កីឡាករ​ខ្លួន​ចំនួន ៣ នាក់ ក្នុងនោះ​មាន James Rodriguez, Toni Kroos និង Keylor Navas ។ អ្នក​ទាំង​បី​នាក់ តម្រូវឲ្យកាន់​ប៊ិច​ចុះហត្ថលេខា ដើម្បី​បញ្ជាក់​ការធានារ៉ាប់រង សម្រាប់​កីឡាករ​ចំណូល​ថ្មី ។​

​គោលនយោបាយ​ដែល​ក្លិប​ដាក់ចេញ បាន​គ្របដណ្តប់​ស្ថានភាព​សំខាន់​ពីរ នោះ​គឺ កា​ស្លាប់ ឬ ក៏​ពិការ ដែល​រារាំង​ដល់​ការវិលត្រឡប់ ទៅកាន់ កីឡាបាល់ទាត់ ជាមួយនឹង ជំនាញ​វិជ្ជាជីវៈ​របស់​អ្នកលេង ។​

​ជាមួយនឹង​លក្ខណ្ឌ​នេះ មានន័យ​ថា បើសិន​ជា​អ្នកលេង​មាន​របួស ទាំង​ធ្ងន់ និង​ស្រាល ក្នុង​អាជីព​របស់​ពួកគេ នោះ​គឺជា​អ្វី​ដែល​ក្លិប​ត្រូវ​ខាតបង់ ។​
​ភាគច្រើ​នៃ​ករណី​នេះ​ដែរ ក្លិប​ត្រូវ​ចំណាយ ១ ភាគរយ លើ​តម្លៃ ដែល​បាន​ចុះ​កុងត្រា​ជាមួយនឹង​កីឡាករ ។ ជាក់ស្តែង ក្លិប Real Madrid បាន​ចុះហត្ថលេខា​ជាមួយនឹង James Rodriguez របស់ Monaco ចំនួន ៨០ លាន​អឺរ៉ូ នោះ​តាម​គោលនយោបាយ​របស់​ក្លិប បើសិនជា​គាត់​មាន​បញ្ហា គឺ​ផ្តល់​ចំនួន​ទឹកប្រាក់ ៨ សែន អឺរ៉ូ ក្នុង​មួយ​ឆ្នាំ ។​
​ក្នុងនោះដែរ Toni Kroos ខាង​គោលនយោបាយ​ធានារ៉ាប់រង របស់​ក្លិប ឲ្យ​ត្រឹមតែ ៣ សែន អឺរ៉ូ ខណៈ​ដែល Keylor Navas បានត្រឹមតែ ១ សែន អឺរ៉ូ ក្នុង​មួយ​ឆ្នាំ ។​
​សម្រាប់ Real Madrid កីឡាករ​ដែល​អាច​ទទួល​បាន ការធានារ៉ាប់រង​ខ្ពស់​មាន​តែ Ronaldo តែប៉ុណ្ណោះ ដោយ​ឲ្យ​តម្លៃ ជិត ១ លាន​អឺរ៉ូ ៕​