រាជធានីភ្នំពេញ ៖ បុរសម្នាក់ស្រវឹងស្រាជោគជាំដើរតាមផ្លូវទៅផ្ទះ តែដោយសារមិនអាចធ្វើដំណើរទៅមុខជាបន្តទៀត ក៏បានបង្ខំចិត្តដោះអាវយកមកដណ្តប់ខ្លួន ហើយនោមដាក់ខោដេកនៅលើផ្លូវយ៉ាងព្រងើយដោយមិនខ្វល់នឹងគ្រោះថ្នាក់ថ្នាក់ចរាចរកើតឡើងចំពោះខ្លួននោះទេ ។ ហេតុការណ៍នេះបានកើតឡើងកាលពីវេលាម៉ោង២និង១០នាទីយប់ រំលងអាធ្រាត្រ ឈានចូលថ្ងៃទី១២ ខែសីហា ឆ្នាំ២០១៤នៅលើផ្លូវលេខ៥៩៨ ទល់មុខក្រុមហ៊ុន ASC ស្ថិតនៅក្នុងសង្កាត់បឹងកក់២ ខណ្ឌទួលគោក។ បុរសខាងលើមានឈ្មោះ ភាព អាយុ៣០ឆ្នាំ ។
ប្រភពព័ត៌មាននៅកន្លែងកើតហេតុបានឱ្យដឹងថា នៅមុនពេលកើតហេតុបុរសខាងលើនេះបានផឹកស៊ីជាមួយមិត្តភក្តិនៅម្តុំត្រឡោកបែក ពេលផឹកស៊ីស្រវឹងរឹងខ្លួនហើយបុរសខាងលើនិងមិត្តភក្តិបានបែកគ្នាត្រឡប់ទៅផ្ទះរៀងៗខ្លួន ពេលនោះគេឃើញបុរសឈ្មោះភាព បានដើរតាមផ្លូលេខវ៥៩៨ ក្នុងទិសដៅពីកើតមកលិច ក្នុងស្ថានភាពស្រវឹងជោគជាំ លុះមកដល់ចំណុចកើតហេតុ បុរសខាងលើមិនអាចបន្តដំណើរទៅមុខទៀតបាន បុរសឈ្មោះភាព នេះបានដោះអាវរបស់ខ្លួនយកដណ្តប់ខ្លួន ហើយបានលេចនោមដាក់ខោរួចប្រាសខ្លួនដេកនៅលើផ្លូវធ្វើព្រងើយមើលទៅដូចជាមានក្តីសុខណាស់ដោយមិនខ្វល់ខ្វាយនឹងអ្វីទាំងអស់ និងបង្កឱ្យមានការភ្ញាក់ផ្អើលដល់ប្រជាពលរដ្ឋដោយស្មានតែឃាតកម្មសម្លាប់មនុស្សយកមកប្លុងចោលនៅលើផ្លូវ។
បន្ទាប់ពីប្រទ:ឃើញជនខាងលើផ្លូវដេកលើផ្លូវនោមដាក់ខោ ពេលនោះប្រជាពលរដ្ឋបានឃើញហេតុការណ៍នោះបាននាំគ្នាយកទឹកទៅចាក់ចូលត្រចៀករបស់បុរសនោះរហូតទាល់តែភ្ញាក់ ហើយអ្នកកាសែតបានមកថតរូបបុរសនោះ ហើយត្រូវបានបុរសនោះស្រែកថា គ្រាន់តែដេកលើផ្លូវសោះក៏ថតដែរ អញ្ជឹងល្បីហើយអញ្ជឹង៕
មតិយោបល់