អតីតនាយកប្រតិបត្តិក្រុមហ៊ុន Microsoft និងជាម្ចាស់ក្លឹបបាល់បោះ Clippers បានប្រកាសជាសាធារណៈថា លោកបានលាឈប់ពីសមាជិកក្រុមប្រឹក្សាភិបាល Microsoft។
ក្រោយពីចំណាយពេលអស់ជិត ៤០ឆ្នាំមកនោះ លោក Steve Ballmer បានសម្រេចចិត្តលាឈប់ពីមុខតំណែងសមាជិកក្រុមប្រឹក្សាភិបាល ខណៈពេលដែលលោក Satya Nadella ជាអ្នកកាន់ចង្កូត Microsoft និងកំពុងតែឆ្ពោះទៅមុខក្រោមការចង្អុលបង្ហាញពីលោក Bill Gates។
លោក Steve Ballmer បានថ្លែងថា លោកសប្បាយចិត្តខ្លាំងណាស់សម្រាប់ការងារនៅក្នុងក្រុមហ៊ុន Microsoft ហើយការចាកចេញនេះក៏ជាមធ្យោបាយដ៏ល្អមួយផងដែរ ម្យ៉ាងទៀតនៅពេលនេះ លោកមានក្លឹបបាល់បោះមួយផ្ទាល់ខ្លួន ដូច្នេះតម្រូវឲ្យលោកត្រូវចំណាយពេលវេលាច្រើនក្នុងការគ្រប់គ្រង។
គួរបញ្ជាក់ផងដែរថា កាលពីចុងឆ្នាំ ២០១៣ លោក Steve Ballmer បានសម្រេចចិត្តចូលនិវត្តន៍ពីតំណែងនាយកប្រតិបត្តិ Microsoft ហើយនៅខែកុម្ភៈ Microsoft ក៏បានជ្រើសតាំងលោក Satya Nadella ជានាយកប្រតិបត្តិថ្មី៕
មតិយោបល់