ក្រុមហ៊ុន Hewlett-Packard Co (HP) បានបង្ហាញនូវការភ្ញាក់ផ្អើលជាមួយនឹងប្រាក់ចំណូលកើនឡើងជាលើកដំបូង បន្ទាប់ពីធ្លាក់ចុះអស់ ១១ត្រីមាសជាប់គ្នា ដោយការកើនឡើងនេះ ត្រូវបានក្រុមហ៊ុនបញ្ជាក់ប្រាប់ថា ការលក់កុំព្យូទ័រកើនឡើង។
យោងតាមការចុះផ្សាយរបស់ Reuters បានឲ្យដឹងថា ការលក់កុំព្យូទ័ររបស់ HP បានកើនឡើង ១២ភាគរយ ដែលជំរុញឲ្យប្រាក់ចំណូល HP កើនឡើង ១,៣ភាគរយ ស្មើនឹង ២៧,៦ពាន់លានដុល្លារអាមេរិក ដោយកាលពីត្រីមាសដើមឆ្នាំ មានត្រឹមតែ ២៧,២ពាន់លានដុល្លារអាមេរិកប៉ុណ្ណោះ ជាពិសេសបានកើនឡើងលើសការរំពឹងទុករបស់ក្រុមអ្នកវិភាគ Wall Street ដែលបានប៉ាន់ប្រមាណថា បានត្រឹម ២៧,០១ពាន់លានដុល្លារអាមេរិក។
អ្នកស្រី Meg Whitman នាយកប្រតិបត្តិ HP បានសម្ដែងនូវសេចក្ដីរីករាយ និងការភ្ញាក់ផ្អើល ហើយអ្នកស្រីរំពឹងថា នៅត្រីមាសក្រោយវានឹងបន្តកើនឡើងបន្ថែមទៀង៕
មតិយោបល់