ញ៉ូដេលី ៖ អង្គការស្រាវជ្រាវផ្នែកអវកាសរបស់ប្រទេសឥណ្ឌា (ISRO) បានឲ្យដឹងថា សម្រាប់ការបំពេញបេសកកម្ម នៅលើដងតារាវិថីនៃភពព្រះអង្គាររបស់ខ្លួន ដែលមានរយៈចម្ងាយ ៩លានគីឡូម៉ែត្រនោះ នឹងត្រូវបន្តបេសកកម្មរយៈពេល ៣៣ថ្ងៃទៀត។
ISRO បានចេញផ្សាយនៅលើបណ្តាញទំនាក់ទំនងសង្គមរបស់ខ្លួនថា “បេសកកម្មលើដងតារាវិថី នៃភពព្រះអង្គារ (MOM) គឺវាគ្រាន់តែមានរយៈចម្ងាយប្រមាណ ៩លានគីឡូម៉ែត្រពីភពក្រហមនោះ ប៉ុណ្ណោះទេ ហើយបើគិតពីភពផែនដីវិញនោះ មានរយៈចម្ងាយរហូតដល់១៨៩លានគីឡូម៉ែត្រឯណោះ” ។
កាលពីដើមខែនេះ ឥណ្ឌាបានបញ្ជូនអ្នកអវកាសដែលចេញពី ISRO ដើម្បីបំពេញបេសកកម្ម នៅលើដងតារាវិថី និងបន្តឆ្ពោះទៅកាន់ ភពព្រះអង្គារតាមផែនការ ដែលបានគ្រោងទុក ។ បើតាមអង្គការខាងលើ បានបញ្ជាក់ថា សម្រាប់គម្រោងស្រាវជ្រាវនេះដែរ ត្រូវចំណាយថវិកាប្រមាណ ៧៥លានដុល្លារសហរដ្ឋអាមេរិក ។
តាមផែនការរបស់ក្រុមអ្នកអវកាសយានិក ដែលស្ថិតនៅគន្លង នៃដងតារាវិថី បានបញ្ជាក់ថា ផែនការ នៃការឡើងដល់ភពព្រះអង្គារនោះ នឹងអាចរហូតដល់ថ្ងៃទី២៤ ខែកញ្ញាខាងមុខ ៕
មតិយោបល់