ចាស់បុរាណលោកមានបម្រាមជាច្រើនសម្រាប់ស្ត្រីដែលមានផ្ទៃពោះ ហើយអ្វីដែលគាត់បានហាមក៏ព្រោះតែវាជាទង្វើមួយដែលប៉ះពាល់ដល់ម្ដាយ និងទារកនៅក្នុងផ្ទៃ។
យោងតាមការពិសោធន៍ និងស្រាវជ្រាវរបស់គ្រូពេទ្យជំនាញ់ក៏មិនខុសពីចាស់បុរាណផងដែរ ដោយវេជ្ជបណ្ឌិតជាច្រើនតែងតែហាមប្រាណដល់ស្ដ្រីដែលជាម្ដាយមានទារកក្នុងផ្ទៃមិនត្រូវធ្វើទង្វើ ឬសកម្មភាពផ្សេងៗមួយចំនួន ព្រោះវានាំឲ្យប៉ះពាល់ដល់ទារកក្នុងផ្ទៃ។
ខាងក្រោមនេះ ជាទង្វើ ១០យ៉ាង ដែលស្ត្រីមានផ្ទៃពោះទាំងអស់គួរជៀសវាង៖
១. ការដើរកម្សាន្តនៅតាមសួនកម្សាន្តផ្សេងៗដែលមានឧបករណ៍កម្សាន្តដូចជា សេះហោះ ឧបករណ៍ជិះឡើងលើអាកាស ឬឧបករណ៍ល្បែងផ្សេងៗដែលមាននៅក្នុងសួនកម្សាន្ត ព្រោះថា សំឡេងនៃការស្រេកហ៊ោ និងភាពតក់ស្លុត បានធ្វើឲ្យប៉ះពាល់ដល់អារម្មណ៍ម្ដាយ និងទារកក្នុងផ្ទៃ។
២.ហាមផងដែរការជិះកង់ មិនថានៅពេលចាប់ផ្ដើមមានផ្ទៃពោះ ឬរហូតដល់ជិតគ្រប់ខែនោះទេ។
៣. ជៀសវាងការលែងកីឡាផ្សេងៗមួយចំនួនដូចជា បាល់ទាត់ បាល់បោះ ហែលទឹកជាដើម ព្រោះថា វាអាចធ្វើការម្ដាយ ឬទារកក្នុងផ្ទៃរង់គ្រោះថ្នាក់។
៤. ការហាត់ប្រាណ ឬអត្តពលកម្ម ព្រោះថា ទង្វើអស់ទាំងនេះ អាចធ្វើការម្ដាយងាយរង់គ្រោះថ្នាក់បំផុត ជាពិសេសម្រាប់ម្ដាយដែលទើបនឹងមានផ្ទៃពោះជាលើកដំបូង។
៥. ការជិះសេះកម្សាន្តលេង ក៏មិនត្រូវបានអនុញ្ញាតផងដែរថា ព្រោះថា មនុស្សធម្មតាពិបាកក្នុងការជិះ ឬផ្សាំជាមួយវា ចុះទម្រាំតែមនុស្សមានផ្ទៃពោះទៀត ដែលមិនសូវមានកម្លាំងផងនោះ តើអាចគ្រប់គ្រងលើវាបានដែរ ឬទេ ដូច្នេះគួរជៀសវាង។
៦. ជៀសវាងការស្ទីម ឬងូតទឹកដែលមានសីតុណ្ហភាពក្ដៅ ព្រោះថា កម្រិតនៃសីតុណ្ហភាពនៃកម្ដៅទឹកអាចធ្វើឲ្យប៉ះពាល់ដល់ទារកក្នុងផ្ទៃ។
៧. មនុស្សភាគច្រើនមួយចំនួនចូលចិត្តរត់ ដើម្បីជាការហាត់ប្រាណ នៅពេលព្រឹកព្រលឹម ឬនៅពេលល្ងាច ក្រោយពេលសម្រាកពីការងារ ប៉ុន្តែទង្វើបែបនេះត្រូវបានហាមឃាត់សម្រាប់មនុស្សស្ត្រីដែលមានផ្ទៃពោះ។
៨. ក្រៅពីការហែលទឹក ងូតទឹកក្ដៅ នៅមានចំណុចមួយទៀតគឺការមុជទឹក។ សកម្មភាពបែបនេះ នៅខ្មែរ មិនសូវជាមាននោះទេ ប៉ុន្តែសម្រាប់ពួកអឺរ៉ុបវិញគឺជាការកម្សាន្តរបស់គេ តែវាត្រូវបានហាមសម្រាប់ស្ត្រីមានផ្ទៃពោះ ព្រោះថាសម្ពាធទឹកអាចធ្វើឲ្យប៉ះពាល់ដល់កូនក្នុងផ្ទៃ។
៩. ការជិះស្គីនៅលើទឹកកក៖ អ្នកអាចគិតថា គ្មានស្ត្រីណាដែលមានផ្ទៃពោះទៅជិតស្គីលើទឹកកកលេងនោះទេ ប៉ុន្តែអ្នកប្រហែលជាភ្លេចគិតហើយថា នៅពេលដែលស្ត្រីមានផ្ទៃពោះត្រឹម ៣ទៅ ៦ខែ គាត់អាចធ្វើបែបនេះបាន ព្រោះថាពោះរបស់គាត់នៅមិនទាន់ធំ តែទង្វើនេះត្រូវបានហាមព្រោះថា ការជិះស្គីលើទឹកកកអាចធ្វើឲ្យស្ត្រីងាយរលូតកូន។
១០. តិន្នីសគឺជាកីឡាមួយដែលស្ត្រីគ្រប់រូបចូលចិត្តលេងកម្សាន្ត ដើម្បីសុខភាព ប៉ុន្តែសម្រាប់ស្ដ្រីដែលមានផ្ទៃពោះមិនត្រូវអនុញ្ញាតឲ្យលេងនោះទេ ព្រោះថា ការលេងតិន្នីសត្រូវឲ្យអ្នកលេងប្រើប្រាស់កម្លាំងច្រើន និងរត់ស្ទើរគ្រប់ទីលាន។
ទាំងនេះគ្រាន់តែជាចំណែកមួយតូចប៉ុណ្ណោះសម្រាប់ស្ដ្រីមានផ្ទៃពោះគួរជៀសវាង នៅមានចំណុចផ្សេងៗជាច្រើនទៀត។ បើសិនជាប្រិយមិត្តអ្នកអានដឹងពីទង្វើផ្សេងៗដែលស្ត្រីមានផ្ទៃពោះគួរជៀសវាងសូមជួយបញ្ចេញមតិនៅខាងក្រោម សូមអរគុណ៕
មតិយោបល់