ភ្នំពេញ ៖ បុរសម្នាក់ដែលក្នុងស្ថានភាពស្រវឹងជោកជាំហើយមិនស្គាល់អត្តសញ្ញាណបានដើរទ្រេតទ្រត មកដួល
នៅកណ្ដាលផ្លូវបណ្ដាលអោយបែកក្បាលហូរឈាមគ្មានអ្នកអើពើ។ ហេតុការណ៍នេះកើតឡើងកាលពីវេលាម៉ោង២និង២០នាទីរំលងអាធ្រាត្រឈានចូលថ្ងៃទី២៨ ខែសីហា ឆ្នាំ២០១៤ ស្ថិតនៅត្រង់មុខផ្ទះសំណាក់៥៦ ក្នុងសង្កាត់ស្រះចក ខណ្ឌដូនពេញ។
យោងតាមប្រភពព័ត៌មានពីបុរសម្នាក់ដែលជាអ្នករត់ម៉ូតូឌុប បានអោយដឹងថា គាត់បានឃើញបុរសម្នាក់ ស្លៀកពាក់ទំនងដូចជាសន្តិសុខបានដើរក្នុងស្ថានភាពទ្រេតទ្រតពេញផ្លូវមិនដឹងថាគាត់មកពីខាងណានោះទេ ដោយនៅលើមុខសុទ្ធតែឈាមហើយដើរដួលៗដូចជាគ្មានវិញ្ញាណក្នុងខ្លួន ឃើញដូចនេះ គាត់មិនដឹងធ្វើយ៉ាង ព្រោះគាត់មិនហ៊ានប៉ះពាល់គេបានត្រឹមតែឈរសួរបុរសនោះ តែដោយមើលទៅ បុរសមិនស្គាល់អត្តសញ្ញាណនេះមានធុំក្លិនស្រាយ៉ាងខ្លាំងហើយមិនអាចឆ្លើយជាមួយគាត់បាននោះទេ។ ប្រជាពលរដ្ឋនៅក្បែរកន្លែងកើតហេតុមិនដឹងធ្វើយ៉ាងមិចក៏រាយការណ៍ទៅសមត្ថកិច្ចក៏មិនឃើញ សមត្ថកិច្ចមក ហៅរថយន្តសង្គ្រោះក៏មិនមកដែរ ក៏អូសបុរសដែលដេកនៅកណ្ដាលផ្លូវនោះមកឡើង លើចិញ្ចើមផ្លូវទុកអោយដេកស្វាងពីស្រវឹងចាំគិតតាមក្រោយទៀត៕
មតិយោបល់