ក្រុមហ៊ុន CAMBODIAN HARMO- NIOUS INVESTMENT & DEVELOPMENT CO.,LTD របស់ចិននៅកម្ពុជា ក្រោមការដឹកនាំពីសំណាក់ លោក Patrick Wang ដែលជាអគ្គនាយករង បានជួប ពិភាក្សាការងារជាមួយឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន នាព្រឹកថ្ងៃទី២៧ ខែសីហា ឆ្នាំ២០១៤ នៅទីស្តីការក្រសួង ព័ត៌មាន ក្នុងប្រធានបទលើគោលបំណងចង់បង្កើតទូរទស្សន៍ថ្មី នៅកម្ពុជា ។
ការបង្កើតទូរទស្សន៍នេះ ដោយខាងចិន សំឡឹងឃើញ លើប្រព័ន្ធ OTT ក៏ប៉ុន្តែក្រសួង បានផ្តល់ទៅឲ្យក្រុមហ៊ុន Supper Net រយៈពេល៣ឆ្នាំ ដូច្នេះក្រុមហ៊ុននៅរងចាំបន្តទៀត ។
ឯកឧត្តមរដ្ឋមន្ត្រីក្រសួងព័ត៌មាន ខៀវ កាញារីទ្ធ ក្នុងជំនួបពិភាក្សាការងារនេះ លោកបានថ្លែងទៅកាន់ក្រុមហ៊ុនចិន ថា បច្ចុប្បន្ននេះ ប្រេកង់ទូរទស្សន៍ធំ អស់ហើយ ប៉ុន្តែក្រសួងកំពុងគិតលើប្រព័ន្ធថ្មីមួយទៀត ដែលគេហៅថា WHIT SPACE ដែលអាចប្រើបានទាំងទូរទស្សន៍ និងអ៊ីនធឺណេត ។
ដោយសារតែ ប្រេកងធំៗអស់ ដូច្នេះ លោក Patrick Wang ក៏ងាកមកចាប់អារម្មណ៍លើ WHIT SPACE ដោយរៀបចំស្នើសុំអាជ្ញាប័ណ្ណ ។ ក្នុងនោះដែរ លោក Patrick Wang បានថ្លែងឲ្យដឹងថា ក្រុមហ៊ុនរបស់លោក បណ្តាក់ទុន ៤០០ លានដុល្លារ លើវិស័យ អចលនទ្រព្យ ខុនដូ សណ្ឋាគារ និងផ្សារទំនើប ៕
មតិយោបល់