ក្រុមហ៊ុន Samsung និង Lenovo នៅថ្ងៃទី២៨ខែសីហា ឆ្នាំ ២០១៤ នេះ បានច្រានចោលព័ត៌មានទាំងព្រមថា ពុំបានប្រើប្រាស់ក្មេងក្រោមអាយុ ១៦ឆ្នាំ ឲ្យបម្រើការងារនៅក្នុងរោងចក្រប្រទេសចិនឡើយ។
ក្រុមហ៊ុន Samsung បានថ្លែងថា ពុំមានភស្ដុតាងបញ្ជាក់ថា ក្មេង ឬសិស្សធ្វើការងារនៅក្នុងរោងចក្រ HEG Technology ដែលជាអ្នកផ្គតផ្គង់របស់ខ្លួនឡើយ។ សេចក្ដីប្រកាសនេះត្រូវបានធ្វើឡើងក្រោយពេលដែលក្រុមអ្នកឃ្លាំងមើលសិទ្ធិពលកម្មកុមារនៅក្នុងប្រទេសចិន បានចោទថា រោងចក្រផ្គត់ផ្គង់ Samsung នៅក្នុងប្រទេសចិនរំលោភសិទ្ធិពលកម្មកុមារ។
ពាក់ព័ន្ធនឹងរឿងដូចគ្នានេះផងដែរ អ្នកនាំពាក្យ Lenovo បានបញ្ជាក់ថា ខ្លួនពុំបានប្រើប្រាស់កុមារ ឬសិស្សឲ្យបម្រើការងារនៅក្នុងរោងចក្រឡើយ៕
មតិយោបល់