កូឡាឡាំពូរ៖ ធនាគារម៉ាឡេស៊ី Malayan Banking Bhd (Maybank) ដែលជាធនាគារធំជាងគេបំផុតនៅក្នុងប្រទេសម៉ាឡេស៊ីដោយគិតទៅលើទ្រព្យសកម្មនោះ បានឲ្យដឹងនៅថ្ងៃទី២៨ខែសីហានេះថា ប្រាក់ចំណេញសុទ្ធនៅក្នុងត្រីមាសទី២ បានកើនឡើង ០.៥ភាគរយ ដោយសារកើនឡើងនូវការផ្ដល់ប្រាក់កម្ចី និងប្រាក់បញ្ញើ។
ប្រាក់ចំណេញនៅក្នុងត្រីមាស៣ខែចុងក្រោយនេះ ទទួលបាន ៥០២លានដុល្លារអាមេរិក ខណៈប្រាក់ចំណូលកើនឡើង ២ភាគរយ។ លោក Abdul Farid Alias នាយកប្រតិបត្តិធនាគារ Maybank បានថ្លែងឲ្យដឹងថា ខណៈដែលប្រតិបត្តិការនៅពាក់កណ្ដាលឆ្នាំនេះ ដំណើរការល្អ យើងសង្ឃឹមថា នៅបំណាច់ឆ្នាំនឹងទទួលបានលទ្ធផលល្អផងដែរ ព្រោះតែនៅពេលនេះការផ្ដល់ប្រាក់កម្ចីកើនឡើង៕
មតិយោបល់