​តារា​សម្ដែង​ជើងចាស់ Arnold Schwarzenegger ត្រូវ​បាន​ភរិយា និង​ក្រុម​គ្រួសារ​ទម្លាយ​អាថ៌កំបាំង​ថា បាន​លួច​មាន​សា​ហាយ​ស្មន់​ជាមួយនឹង​អ្នកបម្រើ​នៅក្នុង​ផ្ទះ ហើយក៏​បាន​លែងលះ​ភរិយា​នៅ​ឆ្នាំ ២០១១ ក៏​ជា​ពេលដែល​លោក​លាឈប់​ពី​តំណែង​ចៅហ្វាយក្រុង​កាលីហ្វូ​ញ៉ាផ​ង​ដែរ​។​

​ដោយឡែក​នៅ​ពេល​នេះ ប្រភព​ព័ត៌មាន​ថ្មី​បានបង្ហាញ​ថា តាមពិតទៅ រឿង​ផិតក្បត់​នេះ ភរិយា​របស់ Arnold Schwarzenegger ជា​អ្នកប្រព្រឹត្ត​មុន ដោយ​នាង​បានចាប់ផ្ដើម​ផិតក្បត់​ប្ដី​តាំងពី​ឆ្នាំ ២០០៦​មកម្ល៉េះ​។ ប្រភព​ព័ត៌មាន​ពី PageSix បាន​ចុះផ្សាយ​ថា នាង Maria Shriver ដែល​ជា​អតីត​ភរិយា​របស់ Arnold Schwarzenegger បាន​ផិតក្បត់​តាំងពី​ឆ្នាំ ២០០៦ ជាមួយ​បុរស​ម្នាក់​ដែល​ត្រូវបាន​គេ​ស្គាល់​ឈ្មោះ​ថា Matthew Dowd វ័យ ៥៣​ឆ្នាំ ជា​ផ្ដល់​យុទ្ធសាស្ត្រ​នយោបាយ​ឲ្យ​អតីត​ប្រធានាធិបតី​សហរដ្ឋអាមេរិក George W. Bush​។​

Arnold Schwarzenegger ធ្លាប់​បាន​សង្ស័យ​ទៅលើ​រឿង​នេះ​ដែរ ប៉ុន្តែ​ត្រូវបាន​នាង​ជា​ភរិយា លាក់បាំង​ជិត ហើយ​ក៏​ចាប់ផ្ដើម​ទម្លាយ​រឿង​ផិតក្បត់​របស់​ប្ដី​ជា​សាធារណៈ​ដើម្បី​ឲ្យ​មហាជន​ទាំងមូ​ល​បាន​មើលឃើញ​ថា នាង​ជា​ជនរងគ្រោះ​។​

​ក្រោយ​ពី​លែងលះ​នឹង Arnold Schwarzenegger រួចរាល់ នាង Maria Shriver ត្រូវបាន​គេ​ឃើញ​បណ្ដើរគ្នា​ជាមួយនឹង​លោក Matthew Dowd ជា​លើកដំបូង​នៅក្នុង​ពិធី​អាពា៍ពិពាហ៍​បងប្អូន​ជីដូនមួយ​៕​