​បារាំង​៖ ប្រធាន​ជាន់ខ្ពស់​របស់​ក្លិប Paris Saint-Germain លោក Nasser Al-Khelaifi បាន​អះអាង​ថា ហេតុផល​តែមួយគត់ ដែល Angel Di Maria មិន​ចូលរួម​លេង​ជាមួយ​នឹង​ក្រុម ម្ចាស់​ជើងឯក Ligue 1 គឺ​ថ្លៃ​សេវាកម្ម​របស់​គាត់ ។​

​លោក Al-Khelaifi កាល​ពី​រដូវ​កាល​ផ្ទេរ​កីឡាក​របើក​ឲ្យ​ដំណើរការ បាន​ធ្វើ​ការស្នើសុំ​កីឡាករ សញ្ជាតិ​អា​ហ្សង់​ទីន ឲ្យចូល​រួម​លេង​ជាមួយ​នឹង​ក្លិប​យក្ស​បារាំង មុន​នឹង​ឈាន​ដល់​កិច្ចព្រមព្រៀង ជាមួយនឹង បិសាច​ក្រហម​នោះ​។​

​ក្លិប​បិសាច​ក្រហម​បានបញ្ចប់​ការផ្ទេរ នេះ​ដោយ​ចំណាយលុយ ៥៩,៧ លាន​ផោន ប្រហែល ១០០ លាន​ដុល្លារ ដើម្បី​ធានា​ដល់​សេវាកម្ម លេង ដល់​កីឡាករ​ស្លាប​ប្រយុទ្ធ ដ៏​ឆ្លាត​វៃ​នេះ ដែល​តម្លៃ​ដ៏​ថ្លៃ មិន​ត្រូវបាន លោក Al-Khelaifi ផ្តល់ឲ្យ ។​

​ថ្លែងប្រាប់ Le Parisien លោក Al-Khelaifi បាន​និយាយថា “​សម្រាប់ ២ ទៅ ៣​សប្តាហ៍ ខ្ញុំ​បាន​ពិភាក្សា​លើ​បញ្ហា​នេះ ជាមួយនឹង​មិត្តភក្តិ​របស់​ខ្ញុំ Florentino Perez ដែល​ជា​ប្រធាន​ឈាន​ខ្ពស់​របស់​ក្លិប Real Madrid ” ។ យើង​បាន​ជួប​គ្នា​តែ ២ នាក់ ដោយ​ធ្វើ​ការស្នើសុំ តែ​មិន​ឈាន​ដល់​កិច្ចព្រមព្រៀង ដោយសារ​តែ​តម្លៃ លក់ Angel Di Maria ថ្លែ​ពេក ។​

​