កំពង់ឆ្នាំង៖ ប្តីកំហូចដោយសារតែសុំសម្របសម្រួលជាគ្នាជាមួយប្រពន្ឋវិញមិនបានគេបានទះកំផ្លៀងប្រពន្ឋហើយបានជិ:ម៉ូតូបំបុកតែម្តងបណ្តាលឲ្យរងរបួសធ្ងន់ចំណែកកូនស្រីតូចដែលម្តាយកំពុងពរ មានអាយុ១ឆ្នាំ៤ខែបានរងរបួសស្រាលផងដែរ។ ហេតុការណ៏នេះបានកើតឡើងនៅវេលាម៉ោង ២និង៤៥នាទី រសៀលថ្ងៃទី៤ ខែកញ្ញា ឆ្នាំ២០១៤ នៅផ្លូវក្រាលកៅស៊ូ ជិតស៊ុបថ្មីដំរី ស ស្ថិតក្នុងភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង។
លោក ជា វណ្ណ: នាយនគរបាលប៉ុស្តិកំពង់ឆ្នាំងបាននិយាយឲ្យដឹងថា៖ស្ត្រីរងគ្រោះមានឈ្មោះម៉ៅ ធារី អាយុ២៦ឆ្នាំ ចំណែកប្តីមានឈ្មោះ អ៊ុង សុផល អាយុ៥២ឆ្នាំ ជាថៅកែខារ៉ាអូខេ១៦៨។ ពួកគេទាំង២នាក់ទើបតែលែងលះគ្នាជាង១ខែមុននេះទេ។
លោកបានបន្តថា៖ ក្រោយការលែងលះ ប្រពន្ឋបានចេញពីហាងខារ៉ាអូ១៦៨មកជួលផ្ទះស្នាក់នៅ ក្នុងភូមិទួលក្រឡាញ់។ នៅប៉ុន្មានថ្ងៃមុនពេលកើតហេតុនេះ បុរសជាប្តីបានមកសុំជាគ្នាជាមួយប្រពន្ឋវិញ ដោយបានសន្យាថា នឹងទិញមាស១តម្លឹងឲ្យ តែក្រោយមកថាសុំឲ្យតែ៥ជីវិញ។នៅថ្ងៃកើតហេតុ ប្តីបានណាត់ប្រពន្ឋឲ្យទៅជួបនៅហាងស៊ុបថ្មីដំរី ស ដើម្បីហូបស៊ុបនឹងប្រគល់មាស៥ជីឲ្យ ។ នៅពេលនោះប្រពន្ឋបានពរកូនតូចអាយុ១ឆ្នាំ៤ខែទៅជាមួយនារីម្នាក់ ឈ្មោះ គួង សុថា ហៅប៉ុច អាយុ៣០ឆ្នាំ ។
លោកនាយប៉ុស្តិបានបន្ត ដោយស្រង់សំដីសាក្សី ឈ្មោះ គួង សុថា ហៅប៉ុចនោះថា:នៅពេលហូប ស៊ុប បណ្តើរ ប្តីក៏ផឹកស្រាបៀរបណ្តើរ ចំណែកប្រពន្ឋបាននិយាយរឿងមាស៥ជី ដែលប្តីបានសន្យាទិញ ឲ្យ ពេលនោះប្តីបាននិយាយថា ទិញស្អីអញគ្មានលុយឲ្យទេ។ ឮដូចនោះប្រពន្ឋខឹងបានពរ កូន ចេញពីកន្លែងហូបស៊ុបដើរទៅផ្ទះជួលវិញ ពេលនោះប្តីបានជិ:ម៉ូតូតាមនិងបានអង្វរថាសុំជាគ្នាវិញទៅ តែប្រពន្ឋមិនព្រម ធ្វើឲ្យប្តីខឹងបានឈប់ម៉ូតូ ហើយបានចុះមកទះកំផ្លៀង ២-៣ដៃ និងបានយកដំបងមករកវាយប្រពន្ឋ ដោយនិយាយថាអញវាយឲ្យងាប់ អញសុខចិត្តចូលគុក។តែមិនបានវាយទេ បានបោះដំបងចោលវិញ ហើយស្រាប់តែឡើងជិ:ម៉ូតូបំបុកប្រពន្ឋដែលកំពុងពរកូននៅដៃ ពីក្រោយ បណ្តាលឲ្យដួល បោកទៅថ្នល់កៅស៊ូ ចំណែកកូនដូលបោះទៅលើដី រងរបួសទាំងម្តាយនិងកូន។
ចំណែកប្តីក៏បានដួលម៉ូតូដែរ។ក្រោយពេលកើតហេតុប្តីបានលើកម៉ូតូជិ:គេចខ្លួនបាត់ ក្រោយពេលកើតហេតុសមត្ថកិច្ចនគរបាលកំពុងតាមចាប់ខ្លូនយ៉ាងខ្វាត់ខ្វែង តែរកមិនឃើញ។ ស្ត្រីជាម្តាយ របស់ស្ត្រីរងគ្រោះមានឈ្មោះ ហៀក គឹមស្រ៊ាន់ អាយុ៦៣ឆ្នាំ បាននិយាយថា: កូនស្រីគាត់បានប្តីនេះយូរឆ្នាំហើយបានកូនស្រីមួយអាយុជាង១ឆ្នាំ ។ កាលពីជាង១ខែមុនពួកវាបានលែងលះគ្នា ពេលនោះកូនស្រីគាត់បានមកជួលបន្ទប់ស្នាក់នៅទីនេះ។ក្រោយមកប៉ុន្មានថ្ងៃនេះ ប្តីតែងតែមកអុកឡុក សុំជានាគ្នាមួយប្រពន្ឋវិញ រាល់ពេលដែលស្រវឹងម្តងៗ ដោយសន្យាទិញមាសឲ្យ ហើយរឿងពួកវាទៅជួបគ្នានៅកន្លែងហូបស៊ុបរហូតមានរឿងរ៉ាវនេះគាត់មិនបានដឹងឡើយ។
លោកនាយនគរបាលប៉ុស្តិរដ្ឋបាលកំបង់ឆ្នាំងបានបន្តឲ្យដឹងទៀតថា៖ ពេលនេះមន្ត្រីរបស់លោកកំពុងក៏សាងសំណុំរឿងព្រហ្មទណ្ឌ័បញ្ជូនទៅតុលាការខេត្តហើយ គឺមិនមែនរឿងគ្រោះថ្នាក់ចរាចរណ៏នោះទេ ជារឿងបង្ករបួសស្នាមដោយចេតនា៕
មតិយោបល់