បងប្អូនប្រជាពលរដ្ឋចំនួន ៣ភូមិនៅក្នុងឃុំឧត្តមសូរិយ៉ា ស្រុកត្រាំកក់ ខេត្តតាកែវបានមានទំនាស់ដីខ្នងប្រឡាយមានប្រវែង ប្រហែល៦០ម៉ែត្រ ទំហំប្រហែល ៥ម៉ែត្រទទឹង ហើយខ្នងប្រឡាយពួកគាត់ធ្លាប់ធ្វើដំណើរចេញចូលដឹកផលដំណាំគ្រប់រដូវរាង រាល់ឆ្នាំហើយខ្នងប្រឡាយនេះត្រូវបានបងប្អូនមួយគ្រួសារគាត់យកធ្វើជាកម្មសិទ្ធផ្ទាល់ខ្លួនទៅវិញ នេះជាបញ្ហារបស់គាត់ តែសំណាងល្អណាស់នៅរសៀលថ្ងៃទី០៤.០៩.២០១៤ នេះ លោក ឡាយ វណ្ណ: អភិបាលនៃគណ:អភិបាលខេត្តតាកែវ រួម ដំណើរជាមួយមន្ត្រីពាក់ពន្ធ័ និងអាជ្ញាធរមូលដ្ឋានបានអញ្ជើញចូលទៅដល់ចំណុច ភូមិ តាលឿ ឃុំឧត្តរសូរិយា បានធ្វើការវ៉ែកញ៉ែក ដោះស្រាយទៅលើបញ្ហាដីធ្លីនេះបានទទួលលទ្ធផលល្អជូនបងប្អូនប្រជាពលរដ្ឋនៅទីនោះបានសម្រេចដោយរយ:ពេលខ្លី ក្នុងឱកាស នោះផងដែរ លោក ឡាយ វណ្ណ: អភិបាលនៃគណ:អភិបាលខេត្តតាកែវបានមានប្រសាសន៍សម្របសម្រួលជូនបងប្អូនទាំអសងខាងថា៖ បញ្ហាដីខ្នងប្រឡាយនេះជាដីរបស់យើងទាំងអស់គ្នាហើយបងប្អូនឈប់លឺមាត់លឺអីទៀតបើដីខ្នងប្រឡាយនេះ ជាដី សាធារណ: ទុកឲ្យបងប្អូននៅតំបន់នេះប្រើប្រាស់ទៅតាមតម្រូវការរបស់បងប្អូនហើយចាប់ពីពេលនេះតទៅសូមឲ្យបងប្អូន រួមគ្នាសាមគ្គីគ្នាឲ្យបានសកម្ម ថែរក្សាផ្លូវនេះ ក៏ដូនជាផ្លូវដទៃទៀតផងដែរពីព្រោះផ្លូវថ្នល់ទាំងអស់បំរើផលប្រយោជន៍ដល់បងប្អូនទាំងអស់គ្នា ដូច្នេះបងប្អូនពូមីងទាំងអស់មេត្តាអធ្យាស្រ័យ ហើយប្រឡាយនេះជាផ្លូវទឹក បើកចេញចូលពេលណាទឺកជនលិចលង់ បើកចេញពេលណាត្រូវការទឹកបូមបញ្ចូលស្រោចស្រប់ដដីស្រែបងប្អូនទៀត ។ ក្រោយមកលោកអភិបាល បានទទួលការយល់ព្រមពីភាគីទាំង ២ ហើយក៏បានសម្រេចបោះបង្គោលក្បាលដីសងខាងហើយលោកអភិបាលតាកែវបានឲ្យ មន្ទីរធនធានទឹក ខេត្តតាកែវស្តាប្រឡាយនេះឡើងវិញជូនប្រជាពលរដ្ឋឲ្យប្រើប្រាស់ជាធម្មតា។
មតិយោបល់