ការចាកចេញរបស់ Xabi Alonso ពីក្លិប Real Madrid បានធ្វើឲ្យមានរឿងយល់ច្រឡំ ​ជាច្រើន ។ ក្នុងនោះមានសំនួរ​សួរជាច្រើនថា ហេតុ​អ្វីបានជាម្ចាស់ពានរង្វាន់ Champions League ឲ្យគាត់ចាកចេញ ហើយគាត់ចាកចេញមានគោលបំណងអ្វី ? បើតាមប្រភពព័ត៌មានបានឲ្យដឹងថា​ ជម្រើស តែមួយគត់​ដែល Xabi Alonso ផ្លាស់ទៅកាន់ ក្លិប​យក្ស​​អាល្លឺម៉ង់ Bayern Munich ថ្មីៗនេះ ដើម្បីរក្សាចំណងស្នេហា​ ជាមួយនឹង​ប្រពន្ធរបស់ខ្លួន ។​

ទស្សនា Mundo Deportivo ដែលចុះជាភាសាអេស្ប៉ាញ បានចុះផ្សាយថា “ប្រពន្ធកីឡាករ Xabi Alonso បានរកឃើញចំណុចមួយ ដែលធ្វើឲ្យ Xabi Alonso បារម្ភ នោះ គឺទំនាក់ទំនងស្នេហាជាមួយនឹង ​តារាចម្រៀងប៉ុប អេស្ប៉ាញ នាង Russian Red ហើយក៏បង្ខំប្តីជ្រើសរើសជម្រើសពីរ ក្នុងនោះ ចាកចេញពីទីក្រុងម៉ាឌ្រីដ និង ទី ២ គឺ ផ្តាច់ចំណងស្នេហា ” ។​

ប្រភពព័ត៌មានចចាមអារាម បានចុះផ្សាយ​កន្លងមក ពីទំនាក់ទំនង Xabi Alonso និង Russian Red ដោយគ្មានការសង្ស័យដោយយក​ចេញពីបទ ចម្រៀងក្រោមចំណងជើងថា “Xabier,” ដែលជាអាលប៊ុម Agent Cooper សម្រាប់ឆ្នាំ ២០១៤ រ​បស់នាង Russian Red ៕​

ស្តាប់បទចម្រៀង “Xabier,” ដូចខាង​ក្រោមនេះ៖