អតីតជើងចាស់របស់ក្លិបតោខៀវ និង អ៊ីតាលី លោក Gianfranco Zola ជឿជាក់ថា មិត្តរួមជាតិដែលសម្បូរដោយរឿងអាស្រូវ Mario Balotelli គឺជាកីឡាករដ៏ល្អឥតខ្ជោះសម្រាប់ហង្សក្រហម ។
កីឡាករសញ្ជាតិអ៊ីតាលី Mario Balotelli បានចូលរួមលេងហង្សក្រហម ក្នុងតម្លៃប្រហាក់ប្រហែល ១៦ លានផោន ប្រហែល ២៦ លានដុល្លារ ទិញពី AC Milan ក្នុងសប្តាហ៍ចុងក្រោយនៃទីផ្សារទិញដូរកីឡាករបិទ។
ខណៈដែលមនុស្សជាច្រើន រំពឹងថាការផ្លាស់ប្តូរនេះ មានបញ្ហា ក៏ប៉ុន្តែអតីតកីឡាករជើងចាស់ Zola ជឿជាក់ថា កីឡាករវ័យ ២៤ ឆ្នាំ នឹងមាន ឱកាសជោគជ័យយ៉ាងល្អ នៅ Anfield ។
អតីតអ្នកចាត់ការទូទៅក្លិប Watford បានប្រាប់ដល់ Soccerex Global Convention ថា “ខ្ញុំសង្ឈឹមថា Mario នឹងមានឱកាសល្អ នៅហង្សក្រហម ហើយភាពល្អឥតខ្ជោះរបស់គាត់ គឺអាស្រ័យលើអាកប្បកិរិយា ខណៈដែលល្បិចលេង និងភាពប៉ិនប្រសព្វលេងមានអស់ហើយនោះ ” ។
បញ្ជាក់ផងដែរថា Balotelli បានជួយឲ្យហង្សក្រហម យកឈ្នះមាន់ខ្នាយមាស ក្នុងលទ្ធផល ៣ – ០ កាលពីសប្តាហ៍កន្លងទៅនេះ ហើយ នឹងបន្តង ទទួលភ្ញៀវ Aston Villa នៅចុងសប្តាហ៍នេះ ។
លោក Gianfranco Zola
មតិយោបល់