នៅក្នុងខែសីហាឆ្នាំ២០១៤អគ្គនាយកដ្ឋានពន្ធដារ នៃក្រសួង សេដ្ឋកិច្ច និង ហិរញ្ញវត្ថុ សម្រេចប្រមូល និង បង់ប្រាក់ពន្ធចូលថវិកាជាតិបានចំនួន៣៩៣ ៧៧៥ លាន រៀល គិតជាដុល្លារស្មើនឹង៩៨,៤លានដុល្លារអាម៉េរិក កើនឡើងលើ ខែកក្កដា ឆ្នាំ២០១៤ ប្រមាណ ស្មើនឹង៨,១% ប្រៀបធៀបនឹងចំណូលពន្ធប្រចាំខែ សីហា ឆ្នាំ២០១៣ មានការ កើនឡើង ស្មើនឹង ៤២,២%។
សេចក្តីប្រកាសព័ត៌មាន នៅក្នុងកិច្ចប្រជុំបូកសរុបលទ្ធផលប្រមូលចំណូល ពន្ធប្រចាំខែសីហា ឆ្នាំ២០១៤ ក្រោមអធិបតីភាពឯកឧត្តម គង់ វិបុល ប្រតិភូរាជ រដ្ឋាភិបាលទទួលបន្ទុកជាអគ្គនាយកពន្ធដារ កាលពី ថ្ងៃទី១០ខែកញ្ញាឆ្នាំ២០១៤ នៅអគ្គនាយកដ្ឋាន ពន្ធដារបាន និយាយថា នៅក្នុងរយៈពេល៨ខែនៃ ឆ្នាំ ២០១៤ អគ្គនាយកដ្ឋានពន្ធដារប្រមូលចំណូលពន្ធដារ និង បង់ចូលថវិកាជាតិបានចំនួន ស្មើ នឹង៧២,៦% នៃគោលដៅកំណត់ដោយច្បាប់ ក្នុងនោះថវិការដ្ឋសម្រេចបាន ចំនួនស្មើនឹង៧៤,៣% និង ថវិការដ្ឋ បាល ថ្នាក់ ក្រោម ជាតិសម្រេចបានចំនួនស្មើ នឹង៦២,២% ។ បើប្រៀបធៀបនឹងរយៈពេលដូចគ្នានៃ ឆ្នាំ២០១៣ ឃើញថា ការ ប្រមូលចំណូលពន្ធដារ ចូលថវិកាជាតិសម្រាប់ ឆ្នាំ២០១៤នេះមានការកើនឡើង ចំនួន ស្មើនឹង១៩,០%។
សេចក្តីប្រកាសព័ត៌មាននិយាយថា ប្រសិនបើប្រៀបធៀបទៅនឹងរយៈ ពេលដូចគ្នានៃ ឆ្នាំ២០១៣ឃើញ ថា ចំណូលតាម ប្រភេទពន្ធ សំខាន់ៗ មានការ កើនឡើងស្ទើរតែទាំងអស់ ក្នុងនោះរួមមាន ៖ ពន្ធលើប្រាក់បៀវត្សកើនឡើងចំ នួនស្មើនឹង៣៣,២% ពន្ធលើប្រាក់ ចំណេញកើនឡើងចំនួនស្មើនឹង ២៩,៣% អាករ លើតម្លៃបន្ថែមកើនឡើងចំនួនស្មើនឹង១៣,៩% និង អាករពិសេសកើនចំនួនស្មើ នឹង១០,៨%។
បើប្រៀបធៀបរយៈពេល៨ខែដូចគ្នា នៃឆ្នាំ២០១៣ឃើញថា ចំណូលពន្ធ តាមសកម្មភាពអាជីវកម្មមាន ការកើនឡើងស្ទើរតែទាំងអស់ ក្នុងនោះរួមមាន ៖ ភេសជ្ជៈកើនឡើងប្រមាណ២៤,៦៤% សេវាហិរញ្ញ វត្ថុកើនឡើងប្រមាណ២០,៩១ % ទូរគមនាគមន៍កើនឡើងប្រមាណ៩,៤៤% ផ្នែកស្ថាបត្យកម្ម និង សំណង់កើន ឡើងប្រមាណ៦៧,៣៦% ផលិតគ្រឿងប្រើប្រាស់កើនឡើងប្រមាណ៣២,៧៥% ផលិតសម្លៀកបំពាក់កើនឡើងប្រមាណ៤៥,០៨% នីហរ័ណអាហរ័ណកើនឡើង ប្រមាណ១២,៤៣% ផ្នែកសណ្ឋាគារ និងផ្ទះសំណាក់កើនឡើងប្រមាណ៤៥,៦៩ % ផលិតថ្នាំជក់កើនឡើងប្រមាណ១០,១១% អាជីវកម្មអចលនទ្រព្យកើនឡើង ប្រមាណ១០១,៣២% លក់ភេសជ្ជៈកើនឡើងប្រមាណ៣០,៥២% លក់សម្ភារ ការិយាល័យកើនឡើងប្រមាណ៤០,៦៣% ផលិតម្ហូបអាហារកើនឡើងប្រមាណ ៧៨,២៤% ផ្នែកលក់គ្រឿងយន្តកើនឡើងប្រមាណ៦៨,៣៩% លក់ផលិតផល ឱសថកើនឡើងប្រមាណ២០៨,៧០% និង លក់គ្រឿងសំណង់កើនឡើងប្រ មាណ២ ៦៨៤,២១%។
ឯកឧត្តម គង់ វិបុល បានសម្តែងនូវការអបអរសាទរចំពោះថ្នាក់ដឹកនាំ មន្ត្រី រាជការពន្ធដារគ្រប់ជាន់ថ្នាក់ ដែលបានប្រឹងប្រែងបំពេញភារកិច្ចធ្វើឲ្យការងារប្រ មូលចំណូលពន្ធប្រចាំឆមាសទី១ ឆ្នាំ២០១៤ សម្រេច បានតាមគោលដៅកំណត់ ក្នុងច្បាប់ហិរញ្ញវត្ថុសម្រាប់ការគ្រប់គ្រង និងបានជំរុញលើកទឹកចិត្តដល់ថ្នាក់ ដឹកនាំគ្រប់អង្គភាពពន្ធដារឲ្យខិតខំជម្នះការលំបាក និងបញ្ហាប្រឈមនានា និង ខិតខំអនុវត្តន៍ ភារកិច្ច ប្រមូលពន្ធគ្រប់ប្រភេទឲ្យបានសម្រេច តាមគោលដៅ កំណត់ក្នុងច្បាប់ហិរញ្ញវត្ថុសម្រាប់ការគ្រប់គ្រង បង្កើនការផ្តល់សេវាដល់អ្នកជាប់ ពន្ធឲ្យបានល្អប្រសើរ ផ្តល់ភាពងាយស្រួលដល់ អ្នកជាប់ពន្ធ ទទួលសេវាងាយ ស្រួល ឆាប់រហ័សនៅគ្រប់ទីកន្លែង និងអនុវត្តន៍វិធានការនានា សំដៅធ្វើឲ្យបាន សម្រេចគោលដៅចំណូល ឆ្នាំ២០១៤៕
មតិយោបល់