ក្រុមអ្នកជំនាញក្នុងរឿងសុភមង្គលស្នេហា បាននាំគ្នាណែនាំទុកថា ការផ្តួចផ្តើមធ្វើការងារលើគ្រែ មិនមែនចេះតែធ្វើទៅតាមចិត្តនឹកឃើញបានឡើយ ព្រោះទាមទារឱ្យគូស្នេហ៍នីមួយៗ ត្រៀមលក្ខណៈសម្បត្តិឱ្យបានគ្រប់គ្រាន់ជាមុនសិន ដើម្បីទទួលបានជោគជ័យក្នុងការងារមួយនេះ។ តើមានកត្តាអ្វីខ្លះដែលជាចំណុចទាក់បណ្តាលឱ្យមានការដាស់អារម្មណ៍ផ្លូវភេទនោះ?
កត្តាដែលទាមទារឱ្យមានជាចាំបាច់មុនពេលរួមដំណេក និងឈានទៅដល់ដំណាក់កាលរួមភេទនោះ គឺការកម្តៅសាច់ដុំ ដើម្បីបញ្ចៀសបញ្ហារងរបួសដល់សាច់ដុំផ្សេងៗនៅក្នុងរាងកាយ ជាពិសេសវិធីនេះអាចជួយអូសបន្លាយពេលមិនឱ្យហ្គេមស្នេហាអ្នកទាំងពីរ ឆាប់បញ្ចប់ទៅដោយគ្មានន័យទៀតផង។
សរុបសេចក្តីមក អ្វីខ្លះដែលជាចំណុចទាក់បណ្តាលឱ្យមានការដាស់អារម្មណ៍ផ្លូវភេទនោះ រួមមានជាអាទិ៍ ៖
– ដើមទ្រូង : ក្រៅពីអវយវៈសំខាន់របស់ស្ត្រីហើយនោះ បរិវេណមួយនេះមានសភាពស្តើង ឆាប់ចាប់បានអារម្មណ៍ប៉ះពាល់លឿនបំផុត។
– ចុងសុដន់ : ជាទីតាំងមួយសំខាន់ដូចគ្នា ព្រោះទីនេះបណ្តុំទៅដោយប្រព័ន្ធសរសៃប្រសាទ។ ចំណុចមួយនេះអាចដាស់អារម្មណ៍ ដែលទទួលបានមិនកំណត់ថា ជាបុរស ឬស្ត្រីនោះទេ។
– ត្រង់គន្លាក់គល់-ក : ជាប្រភពបណ្តុំនូវសរសៃប្រសាទ និងសរសៃឈាមល្អិតៗ ជាច្រើនសម្រាប់រត់ទៅចិញ្ចឹមបរិវេណនានាទូទាំងរាងកាយ ទើបពេលរងការស្ទាបបបោសអង្អែលនៅត្រង់នេះ ឆាប់កើតមាននូវអារម្មណ៍ស្រៀវស្រើប យ៉ាងឆាប់រហ័សបំផុត។
– បបូរមាត់ : នេះជាចំណុចមួយដែលជនជាតិអាស៊ីពុំសូវមានចំណូលចិត្ត តែបច្ចុប្បន្នដោយឥទ្ធិពលរបស់លោកខាងលិច ឬពួកអឺរ៉ុប បានអូសទាញក្រុមយុវវ័យជំនាន់ក្រោយរបស់អាស៊ី ឱ្យមានចំណូលចិត្តធ្វើតាមកាន់តែច្រើនឡើងជាលំដាប់។
– ត្រគាក : លោកអ្នកប្រហែលជាមិនទាន់ជ្រាបទេថា រូបសញ្ញាបេះដូង គឺមានប្រភពកំណើតចេញពីទ្រង់ទ្រាយត្រគាករបស់មនុស្សស្រីនោះឯង។ ដូច្នេះគេមិនចម្លែកទេថា អវយវៈមួយនេះក៏ងាយភ្ញោចអារម្មណ៍ស្រើបស្រាលបានដូចគ្នាដែរនោះ។
– គល់ភ្លៅក្បែរក្រលៀន : ដោយសារតែចំណុចមួយនេះស្ថិតក្បែរអវយវៈភេទ ដែលមានឥទ្ធិពលទាក់ទាញអារម្មណ៍ផ្លូវភេទលឿនបំផុត និងជាបរិវេណមានស្បែកស្តើងជាងគេ ដូច្នេះវាក៏ជាចំណុចយ៉ាងសំខាន់មួយ សម្រាប់ភ្ញោចដុតរោលអារម្មណ៍ ឱ្យស្រៀវស្រើបរហ័សទាន់ចិត្តផងដែរ។
– ទ្វារធំ (ឬរន្ធគូទ) : អាចពោលបានថា ជាចំណុចអាថ៌កំបាំងមួយ ដែលមនុស្សច្រើននាក់មិនបានដឹងនោះ គឺចំណុចស្រើបរបស់ស្ត្រីហៅថា គីគ្លីតូរីស ដែលស្ថិតនៅផ្នែកខាងលើបង្អស់នៃទ្វារមាស តែចំណុចភ្ញោចឆាប់ស្រៀវស្រើបបំផុតរបស់បុរស គឺស្ថិតនៅជុំវិញត្រសាល់គូទនោះឯង។ ក៏ប៉ុន្តែសម្រាប់ជនជាតិអាស៊ី បានប្រកាន់តៗគ្នាមកថា ជាចំណុចមួយស្មោកគ្រោកគួរឱ្យខ្ពើមរអើមបំផុត។
គួរបញ្ជាក់ថា ក្រៅពីចំណុចភ្ងោចអារម្មណ៍ផ្លូវភេទ ដូចបានរៀបរាប់មកខាងលើនេះ ក៏នៅមានចំណុចបន្ទាប់បន្សំដទៃទៀត ដែលមនុស្សមិនសូវបានសាកល្បងប្រើប្រាស់ តែអាចធានាគុណភាពមិនអន់ជាងគ្នាប៉ុន្មានទេ។ ចំណុចអស់ទាំងនោះមានដូចជា ៖
– ក្រលៀន : ព្រោះជាទីតាំងមួយស្ថិតនៅក្បែរអវយវៈសំខាន់សម្បូរសរសៃប្រសាទ ជាពិសេសមានស្ថានភាពស្បែកស្តើងជាងគេទៀតផង។ យើងអាចបញ្ជាក់ការពិតបានថា សូម្បីរងការកកិតបន្តិចបន្តួច ក៏អាចបង្កឱ្យបរិវេណមួយនេះ ងាយរងអាការៈរលាកបានដែរ។
– ស្លឹកត្រចៀក : កុំថាឡើយប្រើដៃប៉ះថើៗនៅលើអវយវៈមួយនេះ សូម្បីពេលអ្នកទាំងពីរកំពុងតែធ្វើប្រតិបត្តិការលើគ្រែនោះ ហើយប្រសិនបើមានភាគីណាមួយក្នុងចំណោមអ្នកទាំងពីរប្រើសំឡេងខ្សឹបស្រាលៗនៅក្បែរត្រចៀក ក៏ជួយភ្ញោចអារម្មណ៍ឱ្យស្រើបស្រាលបានមួយកម្រិតទៀតផងដែរ៕
មតិយោបល់