ក្លិបបាល់ទាត់ San Lorenzo (សាន់ ឡូរ៉េនហ្សូ) របស់ប្រទេសអាហ្សង់ទីនបានឈានដល់កិច្ចព្រមព្រៀងទិញយកខ្សែការពារកណ្តាល Mario Yepes (ម៉ារីអូ យ៉េប៉េស) ។
ខ្សែការពារវ័យ៣៨ឆ្នាំរូបនេះក៏ធ្លាប់មានទំនាក់ទំនងលើការផ្លាស់ទៅកាន់ក្លិបកាំភ្លើងធំ Arsenal ផងដែរស្របពេលដែលរូបគេមិនមានក្លិបលេងក្រោយពេលចាកចេញពីក្លិប Atalanta កាលពីបញ្ចប់រដូវកាល ។
ទោះបីជាយ៉ាងណាក៏ដោយ ក្លិប San Lorenzo (សាន់ ឡូរ៉េនហ្សូ) បានបង្ហោះលើទំព័រ Twitter របស់ខ្លួនថា “ក្លិបបានព្រមព្រៀងនាំយកកីឡាករ Yepes ហើយស្វាគមន៍ចំពោះការមកដល់ក្លិបជើងឯកអាមេរិកខាងត្បូងមួយនេះ” ។
គួរបញ្ជាក់ថា Yepes បានសម្រេចចិត្តចូលនិវត្តន៍ពីក្រុមជម្រើសជាតិកូឡុំប៊ីបន្ទាប់ពីការប្រកួត World Cup នៅប្រទេសប្រេស៊ីលបានបញ្ចប់ ៕
មតិយោបល់