កីឡាករ Cristiano Ronaldo ត្រូវបានគេរាយការណ៍ថា អាចនឹងចាកចេញពីក្លិបអធិរាជស Real Madrid ពេលចប់រដូវកាលថ្មីនេះខណៈដែល Manchester City ជាក្រុមដែលកំពុងនាំមុខគេក្នុងការទិញកីឡាកររូបនេះ ។
ទោះបីជាយ៉ាងណាក៏ដោយ ក្លិប Manchester City ត្រូវប្រឈមមុខជាមួយនឹងក្លិបមហាសេដ្ឋី Paris Saint-Germain ដែលកំពុងមានចំណាប់អារម្មណ៍ចង់បានខ្សែប្រយុទ្ធរូបនេះដូចគ្នា ។
ដោយឡែក ចំពោះលទ្ធភាពដែលថា Ronaldo អាចនឹងវិលត្រឡប់មកកាន់ទឹកដី Old Trafford វិញនោះកំពុងស្ថិតក្នុងភាពមន្ទិលសង្ស័យស្របពេលដែលគ្រូបង្វឹក Louis van Gaal មិនបានបង្ហើប ឲ្យដឹងពីគម្រោងរបស់លោកឡើយ ។
យោងតាមសារព័ត៌មាន The Express បានចុះផ្សាយថា កីឡាករអន្តរជាតិព័រទុយហ្គាល់ វ័យ២៩ឆ្នាំរូបនេះគឺអាចនឹងចាកចេញពីប្រទេសអេស្ប៉ាញបន្ទាប់ពីរូបគេខកចិត្តចំពោះ Real Madrid ដែលបានលក់កីឡាករ Angel di Maria ទៅឲ្យ Manchester United និងលក់ Xabi Alonso ទៅឲ្យ Bayern Munich ។
គួរបញ្ជាក់ថា Ronaldo បានស៊ុតបាល់ប៉េណាល់ទីបានមួយគ្រាប់ក្នុងការប្រកួតដែល Real Madrid ចាញ់ Atletico Madrid ២-១ កាលពីយប់ថ្ងៃសៅរ៍ ៕
មតិយោបល់