អេស្ប៉ាញ៖អតីតប្រធានក្លិបរបស់ Real Madrid លោក Vicente Calderon បានជឿជាក់ថា កីឡាករ Cristiano Ronaldo នឹងវិលត្រឡប់ទៅកាន់ បិសាចក្រហមវិញ នៅពេលអនាគត់ដែលមិនឆ្ងាយនោះ ។
លោក Vicente Calderon បានអនុញ្ញាតិឲ្យទិញកីឡាករ Ronaldo កាលពីឆ្នាំ ២០០៩ ក្នុងតម្លៃ បំបែកកំណត់ត្រាពិភពលោក ជាកីឡាករដែលមានតម្លៃកប់ពពក ៨០ លានផោន ប្រហែល ១៣០ លានដុល្លារ ។
ទោះជាយ៉ាងណា ប្រធានក្រុម ព័រទុហ្គាល បានស្រងាកចិត្ត ជាមួយនឹងជីវិតលេងនៅ ទីក្រុងម៉ាឌ្រីដ ប្រទេសអេស្ប៉ាញ ជាមួយនឹងគោលនយោបាយលក់កីឡាករសំខាន់ៗ។
ក្នុងរយៈពេល ២ ឆ្នាំ ក្លិប Real Madrid បានលក់កីឡាករ Gonzalo Higuain, Mesut Ozil, Xabi Alonso និង Angel di Maria ដែលធ្វើឲ្យ Ronaldo មិនសប្បាយចិត្តជាមួយនឹងក្លិប ដោយព្រលយពាក្យ ចង់វិលទៅកាន់បិសាចក្រហមវិញ នៅថ្ងៃណាមួយ ។
ក្នុងបទសំភាសជាមួយនឹង TalkSPORT លោក Calderon បាននិយាយថា “ពេលដែលខ្ញុំចុះហត្ថលេខាជាមួយនឹងគាត់ នៅក្នុងឆ្នាំ ២០០៩ ខ្ញុំចាំថា គាត់បាននិយាយពីការដឹងគុណ ក្លិបបិសាចក្រហម ដោយមានពេលវេលាដ៏អស្ចារ្យនៅទីនោះ ជាមួយនឹងក្លិបដ៏ធំនៅលើពិភពលោក ” ។
លោកបានបន្តថា “ទន្ទឹមជាមួយនឹងការលក់ Ozil បានធ្វើឲ្យលោកមិនសប្បាយចិត្តម្តងហើយ តែដល់ពេលលក់ Xabi Alonso និង Angel di Maria កាន់តែមានអារម្មណ៍មិនសប្បាយចិត្តទ្វេរដង ជាមួយនឹងក្លិប ដូចនេះ Ronaldo នឹងចាកចេញ “ ។
ប្រភព Skysport បានចុះផ្សាយថា ជាមួយនឹងរឿងរ៉ាវអាក់អនចិត្តនេះ Ronaldo ត្រូវបានក្លិប បិសាចក្រហម Man Utd ដាក់សំណើររួចរាល់ហើយ នាំមកកាន់ទឹកដី Old Traford វិញ ។
Vicente Calderon បាននិយាយទៀតថា “លោកពិតជាជឿថា បិសាចក្រហមបានរៀបចំរួចរាល់ហ លើការស្នើសុំ កីឡាកររូបនេះ អ្វីដែលហួសចិត្តខ្ញុំមិនដែលនឹកស្មានថាគាត់វិលទៅកាន់ក្លិបចាស់វិញនោះទេ តែពេលនេះវាជាការពិតណាស់” ៕
មតិយោបល់