អង់គ្លេស៖អ្នកចាត់ការទូទៅក្លិបហង្សក្រហម Brendan Rodgers បានបញ្ជាក់ថា ខ្សែការពារដ៏រឹងមាំ Martin Skrtel នឹងអវត្តមាន នៅយប់ថ្ងៃអង្គារ ក្នុងការប្រកួតក្នុងក្របខណ្ឌ Champions League ដោយប៉ះ Ludogorets ។
កីឡាករវ័យ ២៩ ឆ្នាំ សញ្ជាតិស្លូវ៉ាគី បានអវត្តមាន លេងឲ្យក្លិប ២ ប្រកួត ដោយសារតែ របួសក្បាលជង្គង់ ។
លោក Brendan Rodgers បានប្រាប់អ្នកសារព័ត៌មានថា ” កីឡាករ Martin Skrtel បានធ្វើការយ៉ាងលំបាក គាត់បានចូលរួមលេងជាមួយនឹងក្រុមកាលពីម្សិលមិញ ដូច្នេះគាត់នឹងមានភាពប្រសើរឡើង តែមិនអាចលេងនៅយប់ថ្ងៃអង្គារបានឡើយ” ។
បញ្ជាក់ផងដែរថា កីឡាករ Martin Skrtel បានចូលរួមលេងឲ្យក្លិប ហង្សក្រហម ផ្លាស់មកពី ក្លិប Zenit Saint Petersburg កាលពីខែ មករា ឆ្នាំ ២០០៨ ដោយបង្ហាញខ្លួលេងលើទីលាន ជិត ២៥០ លើក ៕
មតិយោបល់