ក្លិបអធិរាជស Real Madrid បានបំបាក់ក្រុមភ្ញៀវ Basel របស់ប្រទេសស្វីសយ៉ាងចាស់ដៃក្នុងលទ្ធផល ៥ទល់នឹង១ ខណៈដែលក្រុមអង់គ្លេស Liverpool បានយកឈ្នះ Ludogorets Razgrad របស់ប្រទេសប៊ុលហ្គារីក្នុងលទ្ធផល២ទល់នឹង១សម្រាប់ការប្រកួត Uefa Champions League ក្នុងពូល B ។
សម្រាប់ការប្រកួតនៅក្នុងប្រទេសអេស្ប៉ាញ ក្រុមម្ចាស់ផ្ទះ Real Madrid ធ្វើបានយ៉ាងល្អដោយអាចស៊ុត បញ្ចូលទីលើក្រុមភ្ញៀវបានរហូតដល់៥គ្រាប់ ដែល៥គ្រាប់នេះគឺស៊ុតដោយកីឡាករ Marek Suchy
ជាគ្រាប់ចូលទីខ្លួន ចំណែកកីឡាករ ហ្គារ៉េត ប៊ែល Gareth Bale ស៊ុតនៅនាទី៣០ Cristiano Ronaldo ស៊ុតនៅនាទី៣១ ជែម រ៉ូឌ្រីហ្គេស James Rodriguez ស៊ុតនៅនាទី៣៧ ចំណែកគ្រាប់ចុងក្រោយស៊ុតដោយកីឡាករ ខារីម ប៊ែនហ្សេម៉ា Karim Benzema នៅនាទី៧៩ ។ ដោយឡែកមួយគ្រាប់របស់ Basel គឺរកបានដោយកីឡាករ Derlis Gonzalez នៅនាទី៣៨ ។
ចំណែកការប្រកួតនៅក្នុងប្រទេសអង់គ្លេសឯណោះវិញ Liverpool បានយកឈ្នះ លូដូ ហ្គូរ៉េត Ludogorets ដោយលទ្ធផល២-១ ។២គ្រាប់របស់ Liverpool គឺរកបានដោយកីឡាករ Mario Balotelli នៅនាទី៨២ និងកីឡាករ Steven Gerrard ស៊ុតបាល់ពិន័យ១១ម៉ែត្រនៅនាទី៩០ ។ ចំណែក Ludogorets រកបានមួយគ្រាប់ដោយកីឡាករ ដានី អាបាឡូ Dani Abalo នៅនាទី៩០។ គួរបញ្ជាក់ថានៅក្នុងពូល B នេះ Real Madrid កំពុងឈរលេខ១ ខណៈ Liverpool ឈរនៅលេខ២ ៕
ទស្សនាឃ្លិបដូចខាងក្រោមនេះ ៖
ព័ត៌មានជាតិ
មតិយោបល់