នាង Aqsa Mahmood អាយុ១៩ឆ្នាំ បានបោះបង់ចោលការសិក្សា ចោល ក្រុមគ្រួសារ ធ្វើដំណើរទៅកាន់ប្រទេស ស៊ីរី ដើម្បីរៀបការជាមួយក្រុមឧទ្ទាម អ៊ីស្លាមបង្កើតរដ្ឋ ។ ការសម្រេចរបស់ នាង បានធ្វើឱ្យក្រុមគ្រួសារទាំងមូលមាន ការឈឺចាប់យ៉ាងខ្លាំង ហើយជីវិតរបស់ នាងនឹងត្រូវផ្លាស់ប្ដូរជារៀងរហូត ។ នៅក្នុងសន្និសីទកាសែតនៅទីក្រុង Glasgow ប្រទេសស្កុតឡែន ឪពុកម្ដាយ របស់នាង Aqsa Mahmood បង្ហាញពី ការខូចចិត្ដយ៉ាងខ្លាំង ហើយអំពាវនាវឱ្យ កូនស្រីវិលត្រឡប់មកផ្ទះវិញ រស់នៅ ជួបជុំឪពុកម្ដាយក្រោយពេលក្រុម ISIL ផ្សព្វផ្សាយពីឃ្លីបវីដេអូពីការសម្លាប់ជន ជាតិអង់គ្លេស ។
នៅមុនពេលដែលនាង Aqsa Mah mood សម្រេចធ្វើដំណើរទៅកាន់ប្រទេស ស៊ីរី រៀបការជាមួយក្រុម ISIL នាង ក៏បានស្នើដល់បងប្អូនស្រីគេងជាមួយគ្នា លើគ្រែមួយយ៉ាងធំ ដូចជាសញ្ញានៃការ លាគ្នាទៅឆ្ងាយជារៀងរហូត។ ឪពុកម្ដាយ របស់នាងក៏មានអារម្មណ៍យល់ឃើញបែប នោះដែរ ថាពិតជាមានរឿងអ្វីកើតឡើង ចំពោះកូនស្រីរបស់គាត់ ។ រយៈពេល៤ថ្ងៃក្រោយមក នាងបាន ទូរស័ព្ទប្រាប់ម្ដាយថា នាងបានធ្វើដំណើរ ទៅកាន់ប្រទេសស៊ីរី តាមច្រកព្រំដែន ប្រទេសទួរគី ពេលនោះឪពុកម្ដាយនាង មានការឈឺចាប់យ៉ាងខ្លាំង ។ នាងបាន បញ្ជាក់ថា នាងចង់ក្លាយជាអ្នកលះបង់ ដើម្បីសាសនា ។ នាងបានគាំទ្រក្រុម ISIL ដោយអំពាវនាវឱ្យបើកការវាយ ប្រហារមកបណ្ដាប្រទេសលោកខាងលិច។ កន្លងមកក្រុម ISIL បានប្រកាសជ្រើស រើសស្ដ្រីនៅលីវ ស្ម័គ្រចិត្ដធ្វើជាភរិយា របស់ក្រុមឧទ្ទាម ។ ការជ្រើសរើសនោះ ធ្វើឡើងតាមប្រព័ន្ធអ៊ីនធើណេត បានធ្វើ ឱ្យស្ដ្រីជាច្រើនបានសម្រេចចិត្ដក្លាយជា ប្រពន្ធក្រុមឧទ្ទាមបានដែរ៕
ទស្សនាឃ្លិបដូចខាងក្រោមនេះ៖
ព័ត៌មានជាតិ
មតិយោបល់