សារព័ត៌មាន AFP កាលពីថ្ងៃទី១៦ ខែកញ្ញា បានផ្សព្វផ្សាយថា ជាលើកទី១ អាមេរិកបានបើកការវាយប្រហារទៅ លើទីតាំងរបស់ក្រុមឧទ្ទាមអ៊ីស្លាមបង្កើត រដ្ឋ ISIL នៅជិតទីក្រុងបាដាដ ប្រទេស អ៊ីរ៉ាក់ មន្ដ្រីយោធាមួយរូបក្នុងក្រសួងការ ពារជាតិអាមេរិកបានឱ្យដឹងថា យន្ដហោះ ចម្បាំងអាមេរិក បានវាយប្រហារទៅលើ គោលដៅជិតក្រុងបាដាដនិងទីតាំងផ្សេង ទៀតនៅតំបន់ស៊ីនចា ភាគខាងជើង ប្រទេសអ៊ីរ៉ាក់រយៈពេល២៤ម៉ោងកន្លងមក ។ ចំណែកសារព័ត៌មានរ៉យទ័របានដក ស្រង់សម្ដីទីបញ្ជាការកងទ័ពអាមេរិក បញ្ជាក់ថាការវាយប្រហារពីលើដែន អាកាសនៅភាគនិរតីទីក្រុងបាដាដ គឺជា ការវាយប្រហារជាលើកដំបូងក្នុងគោល ដៅការពារពលរដ្ឋអ៊ីរ៉ាក់ក៏ដូចជាពលរដ្ឋ អាមេរិកនិងក្រុមផ្ដល់ជំនួយមនុស្សធម៌។
ការវាយប្រហាររបស់អាមេរិកកើត ឡើងក្រោយកិច្ចប្រជុំនៅទីក្រុងប៉ារីស ប្រទេសបារាំង ដោយមានការចូលរួមពី រដ្ឋមន្ដ្រីការបរទេសមកពី៣០ប្រទេសជុំ វិញពិភពលោក ដោយបានសន្យាគាំទ្រ អ៊ីរ៉ាក់ក្នុងសង្គ្រាមប្រយុទ្ធប្រឆាំងក្រុម អ៊ីស្លាម ISIL ។ នៅក្នុងកិច្ចប្រជុំនោះ រដ្ឋមន្ដ្រីការបរទេសប្រទេសបែលហ្ស៊ិក បានប្រកាសថា បែលហ្ស៊ិកនឹងចូលរួម ជាមួយសម្ពន្ធមិត្ដអន្ដរជាតិ វាយប្រហារ ទៅលើក្រុមអ៊ីស្លាមបង្កើតរដ្ឋដោយបាន បញ្ជូនយន្ដហោះចម្បាំង F-16 និង C130 ទៅចូលរួមវាយប្រហារ ។ លោក Reynders រដ្ឋមន្ដ្រីការបរទេស បែលហ្ស៊ីក បន្ដទៀតថា ប្រទេសរបស់ លោកមិនទាន់ទទួលបានសំណើជាផ្លូវការ ក្នុងការចូលរួមក្នុងសង្គ្រាមប្រឆាំងក្រុម អ៊ីស្លាមបង្កើតរដ្ឋ ប៉ុន្ដែយន្ដហោះចម្បាំង ដែលឈរជើងស្រាប់នៅក្នុងប្រទេស អាហ្វហ្គានីស្ថាននឹងចូលរួមវាយប្រហារ ក្រុម ISIL នៅក្នុងប្រទេសអ៊ីរ៉ាក់ និងស៊ីរី នៅពេលទទួលបានបទបញ្ជា ។ នៅក្នុងព្រឹត្ដិការណ៍មួយផ្សេងទៀត ដែលពាក់ព័ន្ធនោះផងដែរ លោកអ៊ីដូ ហ្កាន់ កាលពីថ្ងៃទី១៥ ខែកញ្ញា បាន ប្រកាសថា កម្លាំងទាហានប្រទេសនេះ បានត្រៀមលក្ខណនៅតំបន់ព្រំដែនភាគ ខាងត្បូងប្រទេសទួរគី ជាទីកន្លែងកំពុង ប្រឈមនឹងការគំរាមកំហែងពីក្រុមឧទ្ទាម អ៊ីស្លាមបង្កើតរដ្ឋ ។
អាមេរិកព្រមានរដ្ឋាភិបាលស៊ីរីពី ការរារាំងសកម្មភាពវាយប្រហារតាម ដែនអាកាសទៅលើក្រុម ISIL អាមេរិកបានព្រមានប្រធានាធិបតី ស៊ីរីបាសា អាល់អាសាដ ថា មិនត្រូវ មានសកម្មភាពណាមួយប្រឆាំងទៅនឹង ការវាយប្រហារពីលើដែនអាកាសចូល ទៅសំបុកក្រុមភេរវកម្មដែលឈរជើង នៅក្នុងប្រទេសនេះឡើយ ។ មន្ដ្រីរដ្ឋាភិបាលអាមេរិកបានបញ្ជាក់ ថា ប្រព័ន្ធកាំជ្រួចមីស៊ីលការពារដែន អាកាសរបស់ស៊ីរីនឹងរងការវាយបកពី អាមេរិកវិញ ប្រសិនបើកម្លាំងការពារ ដែនអាកាសស៊ីរីមានចេតនាវាយប្រហារ ឬគំរាមកំហែងអាមេរិកក្នុងពេលប្រតិ បត្ដិការវាយប្រហារពីលើដែនអាកាស នៅក្នុងប្រទេសនេះ ។ ការប្រកាសខាងលើ ក្រោយពេល ប្រធានាធិបតីអាមេរិក បារ៉ាក់ អូបាម៉ា អនុញ្ញាតឱ្យប្រើប្រាស់កម្លាំងទាហាន អាកាសប្រឆាំងនឹងក្រុម ISIL ហើយការ វាយប្រហារមិនចាំបាច់ការអនុញ្ញាតពី រដ្ឋាភិបាលស៊ីរីនោះឡើយ ។ សកម្មភាព របស់អាមេរិកទាំងនោះ បានធ្វើឱ្យកម្លាំង ការពារដែនអាកាសរបស់រដ្ឋាភិបាល លោកអាល់ អាសាដ បានត្រឹមតែអង្គុយ មើលយន្ដហោះចម្បាំងអាមេរិកហោះ ហើរនៅលើដែនអាកាសរបស់ខ្លួនដោយ សេរី ដែលពីមុនមកមិនមាននោះឡើយ។
ការហោះហើរនៅលើដែនអាកាសបែបនេះ គឺអាមេរិកចង់បានតាំងពីពេល សង្គ្រាមស៊ីវិលស៊ីរីកើតឡើងដំបូងមក ម្ល៉េះ ប៉ុន្ដែមិនអាចចូលទៅបាន ដោយ សារតែក្លាចរងការវាយប្រហារពីកាំជ្រួច មីស៊ីលការពារដែនអាកាសរបស់ស៊ីរី ។ សកម្មភាពខាងលើបានធ្វើឱ្យគេមន្ទិល សង្ស័យពីធាតុពិតនៃការវាយប្រហារពី លើដែនអាកាសរបស់អាមេរិកតើសំដៅ ទៅលើក្រុម ISIL ឬគ្រាន់តែជាយុទ្ធសាស្ដ្រ ក្នុងការទម្លាក់រដ្ឋាភិបាលលោក អាល់ អាសាដ ។ រយៈពេលជាង៣ឆ្នាំកន្លងមក អាហាន អាមេរិកក៏ដូចជាក្រុមចារកម្មរបស់ ប្រទេសនេះ មិនមានវត្ដមាននៅប្រទេស ស៊ីរីឡើយធ្វើឱ្យអាមេរិកពិបាកក្នុងការ ជួយដល់ក្រុមបះបោរផ្ដល់រំលំរដ្ឋាភិបាល លោកអាល់ អាសាដ ។ ប៉ុន្ដែពេលនេះ អាមេរិកបានបញ្ជូនក្រុមចារកម្ម ក៏ដូច យន្ដហោះឈ្លបយកការណ៍ យន្ដហោះចម្បាំង ចូលទៅទឹកដីស៊ីរីដោយ សេរី ហើយថែមទាំងគំរាមរដ្ឋាភិបាល ស៊ីរីថែមទៀតផង ថាបើមានសកម្មភាព ណាមួយរារាំងនោះ អាមេរិកវាយប្រហារ ទាំងទាហានរដ្ឋាភិបាលស៊ីរីផងដែរ ។
ក៏ប៉ុន្ដែអាមេរិកមិនទាន់បានកំណត់ ពេលវេលាច្បាស់លាស់ណាមួយក្នុងការ វាយប្រហារតាមដែនអាកាសចូលទៅ ប្រទេសស៊ីរីនោះឡើយ ។ តាមគម្រោង ប្រធានាធិបតីអូបាម៉ា នឹងជួបពិភាក្សា ជាមួយមេបញ្ជាការកងទ័ពជើងទឹក ចន អាឡាំង ដែលទទួលខុសត្រូវវាយប្រហារ ក្រុមអ៊ីស្លាមបង្កើតរដ្ឋនៅប្រទេសស៊ីរី ពិភាក្សាលម្អិតពីគោលដៅនៃការវាយ ប្រហារ ។ សកម្មភាពរបស់អាមេរិកក្នុងការ កៀរគរប្រទេសជាច្រើននៅជុំវិញពិភព លោក ឱ្យចូលរួមក្នុងសកម្មភាពវាយ ប្រហារនោះ ដោយមានទាំងប្រទេសរុស្ស៊ី និងចិនផងដែរ។ បើទោះរុស្ស៊ីយល់ឃើញ ថា នោះជាយុទ្ធសាស្ដ្ររបស់អាមេរិកតែ រុស្ស៊ីក៏មិនអាចរារាំងសកម្មភាពរបស់ សម្ពន្ធមិត្ដប្រឆាំងក្រុម ISIL បានឡើយ។ អាមេរិកធ្លាប់បានព្រមានថា បើរុស្ស៊ី មិនបានចូលរួមទេនោះ សូមកុំរារាំង បើមិនដូច្នោះទេ រុស្ស៊ីនឹងទទួលខុសត្រូវ ទាំងស្រុងពីការរីកធំធាតិការគំរាមកំហែង កាន់តែខ្លាំងឡើងរបស់ក្រុម ISIL ។ រុស្ស៊ីក៏ជាប្រទេសមួយក្នុងចំណោម ប្រទេសដែលជាគោលដៅក្នុងការវាយ ប្រហាររបស់ក្រុម ISIL ដូច្នេះរុស្ស៊ីប្រាកដ ជាពិចារណាឱ្យបានច្បាស់ មុនពេល បញ្ចេញសកម្មភាពណាមួយ ។ មួយវិញទៀត រុស្ស៊ីកំពុងតែជាប់រវល់ ដោះស្រាយវិបត្ដិនៅប្រទេសអ៊ុយក្រែន ដោយផ្ដុំកម្លាំងនិងសព្វាវុធមកទប់ទល់ រដ្ឋាភិបាលអ៊ុយក្រែន ក៏ដូចជាអង្គការ ណាតូ ដែលបានគំរាមកំហែងឱ្យរុស្ស៊ីដក ខ្លួនចេញពីវិបត្ដិប្រទេសអ៊ុយក្រែន ជៀស វាងការប៉ះទង្គិចគ្នាកើតឡើង ។
មតិយោបល់