កូរ៉េ៖តំណាងនៃតារាទាំងពីរបានធ្វើសេចក្តីថ្លែងការណ៍ ជាផ្លូវការទាក់ទងនឹង ទំនាក់ទំនងស្នេហារវាង តារាចម្រៀង Sungmin (Super Junior) និង តារាសម្តែង Kim Sa Eun ។
បើយោងតាមអត្ថបទដែលចុះផ្សាយ នៅថ្ងៃទី ២៤ ខែ កញ្ញា នេះ ស្តីអំពី Sungmin (Super Junior) និងតារាសម្តែង Kim Sa Eun បាននាំគ្នាទៅមើលការប្រគុំតន្ត្រី “Priscilla” នោះ សាក្សីបាននិយាយថា “ពួកគេទាំងពីរមើលទៅ ស្ទើរតែដូចមិត្តប្រុស មិត្តស្រីទៅហើយ” ។
មុនព័ត៌មាននេះត្រូវបានបង្ហាញ ពាក្យចចាមអារាមជាច្រើន នៅលើបណ្តាញគេហទំព័រសង្គម ក៏បានពិភាក្សាលើចំណងស្នេហាអ្នកទាំងពីរដែរ ។
ដូចគ្នាផងដែរ នៅថ្ងៃទី ២៤ ខែ កញ្ញា តំណាងតារាសម្តែង Kim Sa Eun បានអះអាងទំនាក់ទំនងអ្នកទាំងពីរនៅលើកញ្ជាក់ទូរទស្សន៍ថា អ្នកទាំងពីរទើបតែទាក់ទងគ្នា ជាជំហានដំបូងតែប៉ុណ្ណោះ។
បន្ទាប់ពីនេះ ខាងផលិតកម្ម SM បានចេញមុខអះអាងផងដែរថា Sungmin ពិតជាមានទំនាក់ទំនងជាមួយនឹង តារាសម្តែង Kim Sa Eun ហើយអ្នកទាំងពីរកំពុងសិក្សាទឹកចិត្តគ្នា ដែលជាជំហានដំបូងក្នុងទំនាក់ទំនងនេះ៕
ព័ត៌មានជាតិ ព័ត៌មានសិល្បៈ និងកម្សាន្ត
មតិយោបល់