អង់គ្លេស៖ សុបិន្តបិសាចក្រហម Manchester United នាំយកអតីតវីរៈបុរសរបស់ខ្លួន Cristiano Ronaldo មកកាន់ទឹកដី Old Trafford អាចនឹងត្រូវធ្វើឡើងជាការពិតមួយ ។ ប៉ុន្តែ បើសិនជាបិសាចក្រហមអាចបំពេញកញ្ជប់ទឹកប្រាក់ ១៤០ លានផោន ប្រហែល ២២៨ លានដុល្លារ ឲ្យ Real Madrid និង កីឡាករសញ្ជាតិព័រទុហ្គាលនោះ សុបិន្តនេះនឹងក្លាយជាការពិត ជាមិនខាន។
ប្រភពព័ត៌មានចុងក្រោយ បានចុះផ្សាយថា ក្លិបអធិរាជស Real Madrid មានឆន្ទះអនុញ្ញាតិឲ្យ Ronaldo ចាកចេញ នៅរដូវកាលបន្ទាប់ ខណៈដែលបំណុលរបស់ខ្លួន មានកម្រិតខ្ពស់ ហើយ កីឡាករខ្លួនក៏កំពុងក្រាញននៀលចេញដែរនោះ ។
ជាការពិតណាស់ យ៉ាងហោចបំផុត តម្លៃខ្លួន ៦០ លានផោន ដោយបូករួមទាំង តម្លៃទិញ ៨០ លានផោន ពីបិសាចក្រហម កាលពីឆ្នាំ ២០០៩ ។
បច្ចុប្បន្ននេះ កីឡាករ Ronaldo អាចរកប្រាក់បាន ៣៨០ ០០០ ផោន ប្រហែល ៦ សែនដុល្លារ ក្នុងមួយសប្តាហ៍ ពីពហុកីឡដ្ឋាន Bernabeu ហើយក៏មិនចង់ឲ្យទឹកប្រាក់នេះបាត់បង់ដែរ នោះមានន័យថា បិសាចក្រហមត្រូវចំណាយទឹកប្រាក់ឲ្យពួកគេខ្ពស់ត្រដែតតែម្តង ដើម្បីពាំនាំកីឡាកររូបនេះមកកាន់ទឹកដី Old Traford ៕
មតិយោបល់