និយ័តករចិនបានផ្ដល់ការយល់ព្រមចុងដល់ក្រុមហ៊ុន Apple ក្នុងការលក់ iPhone 6 នៅក្នុងប្រទេសចិន នេះបើយោងតាមបណ្ដាញសារព័ត៌មាន បានចុះផ្សាយនៅថ្ងៃអង្គារទី៣០ខែកញ្ញា ២០១៤។
ទីភ្នាក់ងារព័ត៌មានចិនស៊ិនហួ បានចុះផ្សាយថា ក្រសួងឧស្សាហកម្ម និងព័ត៌មានវិទ្យា បានផ្ដល់អាជ្ញាប័ណ្ណដល់ក្រុមហ៊ុនទូរគមនាគមន៍ផ្សេងៗ ក្នុងការដាក់លក់ iPhone ម៉ូដែលចុងក្រោយ។ iPhone 6 និង iPhone 6Plus បានចេញលក់កាលពីថ្ងៃទី១៩ខែកញ្ញា ប៉ុន្តែសម្រាប់ទីផ្សារចិន មិនទាន់មានលក់នោះទេ។
ពាក់ព័ន្ធនឹងព័ត៌មានខាងលើនេះ ត្រូវបានស្ត្រីអ្នកនាំពាក្យ Apple ធ្វើការបដិសេធមិនធ្វើអត្ថាធិប្បាយអ្វីទាំង។
គួរបញ្ជាក់ផងដែរថា ថ្មីៗនេះ មានព័ត៌មានចុះផ្សាយថា ក្រុមហ៊ុន Apple នឹងចេញលក់ iPhone 6 និង iPhone 6Plus នៅក្នុងប្រទេសចិន នាថ្ងៃទី១០ខែតុលាខាងមុខ៕
មតិយោបល់