កំពង់ឆ្នាំង៖សមត្ថកិច្ចនគរបាលស្រុកកំពង់ត្រឡាចធ្វើការចាប់ឃាត់ខ្លួនបានជនសង្ស័យប្រើប្រាស់ថ្នាំញៀន ចំនួន៣នាក់ នៅវេលាម៉ោង៨និង៣០នាទីយប់ថ្ងៃទី ០១ ខែតុលា ឆ្នាំ២០១៤ នៅក្នុងសាលាបុណ្យ មួយ កន្លែងស្ថិតក្នុងភូមិសូវង្ស ឃុំតាជេស ស្រុកកំពង់ត្រឡាច ខណៈដែលជនទាំង៣នាក់នេះកំពុង ប្រើប្រាស់ ថ្នាំញៀន ក្នុងសាលាបុណ្យភូមិនោះ ។
លោក ហ៊ុន វាសនា អធិការនគរបាលស្រុកកំពង់ត្រឡាចបានអោយដឹងថា៖ ដោយមានសេចក្តី រាយការណ៏ពីប្រជាពលរដ្ឋល្អថាមានក្មេងកំពុងប្រើប្រាសថ្នាំញៀនក្នុង សាលាបុណ្យខាងលើនេះលោកក៏បាន ចាត់អោយមន្ត្រីរបស់លោកមានគ្នា៥នាក់ចុះទៅពិនិត្យនៅសាលាបុណ្យក្នុងភូមិខាងលើនេះ ហើយ បានប្រទះឃើញពួកគេទាំង៣នាក់កំពុងប្រើប្រាស់ថ្នាំញៀន ទើបចាប់បានទាំង៣នាក់តែម្តង ។
លោកបានបន្តថា៖យុវជនសង្ស័យទាំង៣នាក់នេះ ១.ឈ្មោះ សុខ កុសល ហៅក្លូ អាយុ២១ឆ្នាំ២,ឈ្មោះ អេង ម៉ាប់ អាយុ២៥ឆ្នាំ ទាំង២នាក់ មានទីលំនៅភូមិសែប ឃុំសែប ស្រុកកំពង់ត្រឡាច និង៣ឈ្មោះ យ៉ក ឡា អាយុ២៤ឆ្នាំ មានទីលំនៅ ភូមិសូវង្ស ឃុំតាជេស ស្រុកកំពង់ត្រឡាច ។
នៅចំពោះមុខសមត្ថកិច្ច ជនសង្ស័យខាងលើបានសារភាពថាៈ ពួកគេបានប្រមូលលុយគ្នាទិញថ្នាំ ញៀនម៉ាទឹកកកបានមួយកញ្ចប់តូច ពីអ្នកលក់ម្នាក់ក្នុងតម្លៃ១០ដុល្លា ហើយបានយកមកប្រើប្រាស់ក្នុងសាលាបុណ្យខាងលើនេះ តែពេលកំពុងតែប្រើប្រាស់ ក៏ស្រាប់តែត្រូវនគរបាលចាប់ខ្លួនតែម្តង ។
ជនសង្ស័យទាំង៣នាក់ រួមជាមួយវត្ថុតាង ប្រដាប់ប្រើប្រាស់ថ្នាំញៀន ថ្នាំញៀនមួយកញ្ចប់ និងម៉ូតូ ជាមធ្យោបានធ្វើដំណើរចំនួន៣គ្រឿង ត្រូវបាននគរបាលស្រុកកំពង់ត្រឡាច កសាងសំណុំរឿងបញ្ជូន មកស្នងការដ្ឋាននគរបាលខេត្ត ដើម្បីបញ្ជូនទៅតុលាការតាមនិតិវិធី ៕
មតិយោបល់