ក្រុងប៉ោយប៉ែត៖ករណីគោរពទង់ជាតិនៃព្រះរាជាណាចក្រកម្ពុជា នៅច្រកទ្វារអន្តរជាតិប៉ោយប៉ែត ត្រូវបានលុបកម្មវិធីចោលទាំងស្រុងទៅហើយ ដោយសារតែមានវិធានការផ្លាស់ប្តូរម៉ោងចេញចូលបន្ថែមនៅច្រកទ្វារខាងលើកន្លងទៅ ឯភ្ញៀវជាតិ ភ្ញៀវអន្តរជាតិសំណូមពរឲ្យមានការដាក់ភ្លេងគោរពទង់ជាតិឡើងវិញ ជាការំលឹកដឹងគុណដល់ព្រះមហាវរះក្សត្រខ្មែរដែលបានបង្កើតឲ្យមានការគោរពភ្លេងជាតិរបស់ខ្លួនកន្លងទៅនោះ។
សូមបញ្ជាក់ដែលថា កន្លងទៅមន្ត្រីប៉ូលិសច្រកទ្វារអន្តរជាតិប៉ោយប៉ែត ធ្លាប់បានចាក់ភ្លេងគោរពទង់ជាតិរាល់ម៉ោង៧ ០០នាទីព្រឹករាល់ថ្ងៃ មុនពេលបើកច្រកទ្វារអន្តរជាតិដើម្បីឲ្យពលរដ្ឋខ្មែរ ដែលជាកម្មករ ពលករ អជីវករ រួមទាំងភ្ញៀវជាតិ អន្តរជាតិ រួមគ្នាក្រោកឈរគោរពទង់ជាតិរបស់ខ្លួនជាមុន ទើបបន្តដំណើរចូលទៅក្នុងដីថៃ ឥឡូវនេះគឺគ្មានកម្មវិធីគោរពទង់ជាតិទៀតទេ។
គួរំលឹកដែលថា នៅកណ្តាលឆ្នាំ២០១៤កន្លងទៅ គឺគណះកម្មការអន្តរក្រសួងរួមជាមួយគណះកម្មការច្រកទ្វារថៃកម្ពុជា បានសម្រេចបន្ថែមម៉ោងចេញចូលលើច្រកទ្វារអន្តរជាតិដែលពីមុនគឺគេបើកច្រកទ្វារចាប់ពីម៉ោង៧ ព្រឹក រហូតដល់ម៉ោង៨យប់ ទើបបិទទៅវិញ ក្រោយមកប្រមុខរាជរដ្ឋាភិបាលទាំងពីរប្រទេសកម្ពុជាថៃ និងក្រសួងទេសចរណ៏បានឯកភាពបន្ថែមម៉ោងចេញចូលនៅច្រកទ្វារគឺចាប់ពីម៉ោង៦ ០០នាទីព្រឹកទៅដល់ម៉ោង១០យប់ ទើបបិទច្រកទ្វារទាំងសងខាងតែម្តង។
មានប្រជាពលរដ្ឋជាច្រើននាំគ្នាលើកឡើងថា គួរតែមានមន្ត្រីច្រកទ្វារគិតគូដាក់កម្មវិធីឲ្យមានភ្លេងគោរពទង់ជាតិខ្មែរឡើងវិញនៅឯច្រកទ្វារដូចមុនៗ បើទោះបីជាច្រកទ្វារបើកនៅម៉ោង៦ ព្រឹកក៏ដោយ គឺត្រូវតែមានភ្លេងជាតិរាល់ម៉ោង៧ដូចមុនៗ ដោយខានមិនបានទៅតាមលិទ្ធភាពដែលអាចធ្វើទៅបាន ពីព្រោះព្រោះប្រទេសជិតខាងគេធ្វើបានចុះហេតុអ្វីខាងយើងធ្វើមិនបាន សម្តីរបស់ពលរដ្ឋដ៏ដែលបានបន្តទៀតថា គោរពភ្លេងជាតិរបស់ខ្លួនក្នុងដីខ្មែរនោះ គឺជាសញ្ញាមួយបញ្ជាក់ថា ជនជាតិខ្មែរពិតជាគោរពស្រលាញ់ព្រះមហាក្សត្រខ្មែរ ពិតប្រាកដមែនដូចឆ្នេះមិនគួរលុបកម្មវិធីគោរពទង់ជាតិរបស់ជាតិខ្មែរបាននោះទេ។
លោកអានវណ្ណះ ប្រធានស្នាក់កាច្រកទ្វារអន្តរជាតិប៉ោយប៉ែតបានបញ្ជាក់ថា វាជារឿងត្រឹមត្រូវនូវអ្វីដែលពលរដ្ឋសំណូមពរនោះ ព្រោះភ្លេងគោរពទង់ជាតិវាជាអត្តសញ្ញាណជាតិរបស់យើង ដូចឆ្នេះគួរតែឲ្យមានរាល់ថ្ងៃដូចមុនៗ មិនត្រូវលុបបំបាត់បានឡើយ បើទោះជាមានការបន្ថែមម៉ោងចេញចូលលើច្រកទ្វារអន្តរជាតិក៏ដោយ គឺត្រូវតែដាក់ភ្លេងជាតិទៅតាមការកំណត់ដូចមុនៗឡើងវិញឲ្យខានតែបាន៕
មតិយោបល់