ហ្សាការតា ៖ យ៉ាងហោចណាស់មានមនុស្ស ១៨នាក់បានស្លាប់ និងអ្នករងរបួសជាច្រើននាក់ផ្សេងទៀត នៅក្នុងហេតុការណ៍បាត់អណ្តូងរ៉ែមាស ខុសច្បាប់មួយកន្លែង ក្នុងខេត្តកាលីម៉ាន់តាន់ ភាគខាងលិចនៃប្រទេសឥណ្ឌូណេស៊ី។
ការបាក់អណ្តូងរ៉ែនេះ កើតឡើងតាំងពីថ្ងៃសៅរ៍ សប្តាហ៍មុន ប៉ុន្តែក្រុមជួយសង្គ្រោះ ទើបតែបានដឹងហេតុការណ៍គ្រោះថ្នាក់នៅថ្ងៃអាទិត្យ ហើយទើបចេញប្រតិបត្តិការទៅកាន់កន្លែងកើតហេតុ ដោយសារតែព័ត៌មាននេះត្រូវបានគេលាក់ ព្រោះវាជាអណ្ដូងរ៉ែមាសខុសច្បាប់។
ពេលទៅដល់កន្លែងកើតហេតុ មនុស្ស ១៨នាក់ ត្រូវគេរកឃើញថាស្លាប់ ក្នុងនោះមានបុរស ១៦នាក់ និងស្ត្រី២នាក់។ ដោយឡែកខាងម្ចាស់អណ្តូងរ៉ែខុសច្បាប់ ត្រូវបានសមត្ថកិច្ចកំពុងធ្វើការស៊ើបអង្កេតវែកមុខជាបន្តទៀត ៕
មតិយោបល់