ក្រុមហ៊ុន Symantec Corp កំពុងតែស្វែងរកដំណោះស្រាយ និងចង់ផ្ដាច់អាជីវកម្មរបស់ខ្លួនជាពីរផ្នែកដាច់ពីគ្នា ដូចទៅនឹង eBay ចង់ផ្ដាច់ចេញពី PayPal និង HP ចែកក្រុមហ៊ុនជាពីរគឺអាជីវកម្មកុំព្យូទ័រ និងព្រីនធ័រ។
យោងតាមការចុះផ្សាយរបស់សារព័ត៌មាន Bloomberg បានឲ្យដឹងថា ក្រុមហ៊ុន Symantec កំពុងតែពិភាក្សាផ្ទៃក្នុងដើម្បីផ្ដាច់ក្រុមហ៊ុនជាពីរផ្នែកគឺមួយផ្នែកសុវត្ថិភាព និងមួយទៀតផ្នែក Data Storage។ ប្រភពដែលជិតស្និទ្ធបានបញ្ជាក់ថា ការពិភាក្សានេះមិនត្រូវបានបង្ហាញជាសាធារណៈឡើង ព្រោះរឿងសម្ងាត់ គ្រាន់តែដឹងថា ក្រុមហ៊ុនមានផែនការផ្ដាច់ចេញជាពីរផ្នែក។
ខាងសារព័ត៌មាន Bloomberg បានទាក់ទងទៅកាន់ក្រុមហ៊ុន Symantec ប៉ុន្តែត្រូវបានស្ត្រីអ្នកនាំពាក្យ Kristen Batch ច្រានចោលមិនធ្វើអត្ថាធិប្បាយអ្វីទាំងអស់៕
ព័ត៌មានជាតិ
មតិយោបល់