អ្នកចាំទី Petr Cech បានសារភាពថាគាត់អាចមានការពិចារណានាពេលអនាគតរបស់លោកនៅក្រុមតោខៀវ Chelsea ប្រសិនបើគាត់អាចលេង ជាលក្ខណៈជួរមុខដូចមុន ខណៈមានគូប្រជែង Thibaut Courtois ។
កីឡាករសញ្ជាតិឆេក គឺជាកីឡាករដែលមានតម្លៃបំផុត ដោយលេងជាង ១ ទសវត្សរ៍ ហើយបង្ហាញខ្លួនលេងជាមួយនឹងតោខៀវ ៥០០ ប្រកួត ក្នុងនោះ ក៏ជួយឲ្យក្លិបយកឈ្នះពាន Premier League ៣ លើក ពាន FA Cup ៤ លើក និង Champions League ហើយនិង Europa League ។
ទោះបីជាយ៉ាងនេះក្តី សម្រាប់ Jose Mourinho បានពេញចិត្តពេញថ្លើម លើអ្នកចាំទី វ័យ ២៣ ឆ្នាំ Courtois បន្ទាប់ពីជោគជ័យ នៅក្លិប Atletico Madrid ក្នុងលក្ខណៈខ្ចីជើង ។
ជាមួយនឹងគូប្រជែងវ័យក្មេងដ៏ខ្លាំងនេះ បានធ្វើឲ្យ Petr Cech មិនសប្បាយចិត្តឡើយ ដោយមានពេលវេលាលេងឲ្យក្លិបមិនពេញលេញ ។
កីឡាករដែលឈ្នះស្រោមមាសពី Premier League បានប្រាប់វិទ្យុ នៅឆេកថា “ខ្ញុំគិតថាពូកគេបានដឹងពីខ្ញុំមានលក្ខណៈល្អគ្រប់គ្រាន់ នៅតោខៀវ ហើយស្ថានភាពនេះ វាមិនស្ថិតក្នុងការស្រមើស្រម៉ៃរបស់ខ្ញុំឡើយ ។ តែបើឲ្យខ្ញុំអង្គុយលេងជាកីឡាករបម្រុងខ្ញុំមិនលេងទេ ហើយខ្ញុំក៏មិនចោទនរណាម្នាក់នៅក្នុងក្លិបដែរ តែបើសិនជាមិនកែសម្អសម្រាប់ខ្ញុំ នោះខ្ញុំនឹងដោះស្រាយវា” ៕
មតិយោបល់