ខេត្តបន្ទាយមានជ័យ៖នាល្ងាចថ្ងៃទី៧ខែតុលាឆ្នាំ២០១៤នៅវត្តដុងអារញ្ញស្ថិតនៅភូមិដុងអារញ្ញ សង្កានិមិត្ត ស្រុកអូរជ្រៅ ខេត្តបន្ទាយមានជ័យជនជាតិលាវក្នុងភូមិដុងអារញ្ញបាននាំគ្នាប្រារព្ធធ្វើពិធីធ្វើប្រសាទក្រមួនចំនួន១៣ផ្កាបានដង្ហែចូលវត្តដុងអារញ្ញប្រមូលថវិការសរុបបានចំនួនជាង១០លានរៀលប្រគេនលោកសង្ឃយកទៅចាត់ចែងកសាងក្នុងវត្តបន្ត។ពិធីបុណ្យប្រាសាទក្រមួននេះដោយមានការផ្តួចផ្តើមឡើងលោក លីអុកនី ប្រធានសភាពាណិជកម្មខេត្តបន្ទាយមានជ័យ និងប្រជាពលរដ្ឋជនជាតិលាវជិត៥០០នាក់បានចូលរួមផងដែរ។លោក លីអុកនី បានមានប្រសាសន៍ក្នុងពិធីបុណ្យប្រាសាទក្រមួននោះថាពិធីបុណ្យប្រាសាទផ្កាក្រមួនគឺជាពិធីបុណ្យប្រពៃណីរបស់ជនជាតិលាវវាស្រដៀងនិងបុណ្យផ្កាប្រាក់របស់ខ្មែរយើងផងដែរ។ជារៀងរាល់ឆ្នាំគេតែងតែប្រារព្វពិធីបុណ្យនោះឡើងនៅថ្ងៃទី៧ខែតុលា។ប្រពលរដ្ឋលាវគេតែងប្រារព្វបុណ្យនេះចំនួន៣ឆ្នាំតែបើកូនចៅណាមានអាចបន្តធ្វើទៀតបានឲ្យតែកូនចៅចូលចិត្តអាចធ្វើបានបន្ត។លោកបញ្ជាក់បន្តថាបុណ្យប្រាសាទក្រមួននេះវាដូចតែបុណ្យផ្កាប្រាក់ខ្មែរដែរវាខុសគ្នាត្រង់គេទិញក្រមួនយកមកច្នៃធ្វើជាផ្កាបិតនិងដើមចេកចេញជារូបវត្ថុផ្សេងៗទើបគេយកលុយមកបិតលើទើបចេញជាផ្កាប្រាក់តែម្តង។លោកបានបញ្ជាក់ថាប្រជាពលរដ្ឋនៅក្នុងភូមិដែលពុំសូវសំបូរធនធានមានលុយកាក់បន្តិចបន្តួចអាចយកលុយទៅចូលអ្នកដែលមានធនធានធំអាចផ្តើមធ្វើប្រាសាទផ្កាក្រមួនមួយដើមធំបាននោះទៅថ្ងៃមុខអាចមានឆោមលោមពណ៌សំបុរល្អនិងទៅជាតិមុខអាចជាអ្នកដែលមានទ្រព្យសម្បត្តិដ៏ស្តុកស្តម្ភទៀតផង។លោកបានបញ្ជាក់បន្តថានៅថ្ងៃទី៧ខែតុលានោះនៅក្នុងភូមិដុងអារញ្ញនេះប្រពលរដ្ឋបាននាំគ្នាធ្វើប្រាសាទក្រមួនមួយផ្ទះមួយៗឆ្នាំខ្លះក្នុងភូមិនោះប្រជាពលរដ្ឋធ្វើប្រាសាទក្រមួនបានធ្វើប្រាសាទក្រមួនជាង២០ប្រាសាទក្រមួនឯណោះតែឆ្នាំនេះប្រជាពលរដ្ឋអាចធ្វើបានតែ១៣ប្រាសាទតែបុណ្ណោះក្នុងប្រាសាទនិមួយៗមានលុយចាប់ពី៨០០០០០រៀលដល់២លានរៀលក្រោយពីធ្វើហើយក៏បានហែមកផ្តុំគ្នានៅផ្ទះមួយហើយក៏បានហែមកវត្តបន្តហើយហែទះសិណ៣ជុំវត្តទើបវេលុយប្រាសាទក្រមួននេះជូនដល់ព្រះសង្ឃជាកិច្ចបង្ហើយបុណ្យលោកបញ្ជាក់ទៀតថាលុយដែលប្រមូលបាននោះមានចំនួនជា១០លានរៀលដើម្បីប្រគេនព្រះសង្ឃយកទៅចាត់ចែងកសាងក្នុងវត្តបន្តក្នុងថ្ងៃនោះផងដែរ៕
ព័ត៌មានជាតិ
មតិយោបល់