សារព័ត៌មាន Home Entertainment បានចុះផ្សាយឲ្យដឹងថា តារាម៉ូដែលរុស្ស៊ី អាយុ ២៧ ឆ្នាំ នាង Alexandra Sereda ត្រូវបានគូស្នេហ៍ អាយុ ៣៣ ឆ្នាំ ឈ្មោះ Pavel Ushanov បានប្រើហិង្សា វាយជាំមុខ ជាំមាត់ ធ្វើឲ្យខូចទម្រង់មុខ រហូតដល់ថ្នាក់ដេកពេទ្យ ។ លោក Pavel Ushanov ដែលជាមិត្តប្រុសរបស់នាង ជាអ្នកគ្រប់គ្រងទូទៅ របស់ក្រុមហ៊ុន Devino Telecom ។
បើតាមរបាយការណ៍ព័ត៌មាន ដែលចុះផ្សាយ បានឲ្យដឹងថា មូលហេតុដែលកើតហេតុភេទខាងលើ ដោយសារតែនាង Alexandra Sereda ចង់ចែកផ្លូវជាមួយនឹង Pavel Ushanov បន្ទាប់ពីសាងចំណងស្នេហាជាមួយនឹងគ្នារយៈពេល ២ ឆ្នាំនោះ ។ ដោយមិនយល់ព្រមនឹងសំណើរមិត្តស្រីដែលចង់ចែកផ្លូវ នោះ Pavel Ushanov ក៏ខឹងខ្លាំងណាស់ ហើយក៏បានដាល់លើផ្ទៃមុខ តារាម៉ូដែលខាងលើជាច្រើនដៃ ចំត្រង់ប្រឡង់ភ្នែក ផ្ទៃមុខ ឡើងខ្មៅជាំ ។ក្នុងបទសំភាស ជាមួយនឹងអ្នសារព័ត៌មាន នាង Alexandra Sereda បាននិយាយថា “វាហាក់ដូចជាចាក់ចេញពីខ្សែភាពយន្តមួយដ៏រន្ធត់ បន្ទាប់ពីសំឡឹងទៅមើលកញ្ជាក់នោះ” ។ នាងបានបន្តថា ដោយគ្រាន់តែឭសំឡេងមិត្តប្រុសហាក់ដូចជាខឹង ក្រាវក្រោធ ខណៈដែលនាង ហៀបនឹងទៅធ្វើការនៅម៉ោង ៧ ព្រឹក នោះ គាត់ ក៏បានចូលទៅក្នុងបន្ទប់ហើយមិននិយាយអ្វីច្រើននោះ ទេ ស្រាប់តែដាល់លើផ្ទៃមុខរបស់ខ្ញុំ ជាច្រើនដៃ ។ នៅពេលដែលសួរអំពីសំនួរចែកផ្លូវ នាងបានបន្តថា “ជាការពិតណាស់ នាងចង់ចែកផ្លូវមែន” ៕
មតិយោបល់