បន្ទាប់ពីកាន់តំណែងជានាយកប្រតិបតិ្តរបស់ Advanced Micro Devices Inc (AMD) អស់រយៈពេលជាង ៣ឆ្នាំ លោក Rory Read បានសម្រេចចិត្តលាឈប់ពីតំណែងមួយនេះ ដោយទុកលទ្ធភាព និងឱកាសឲ្យអ្នកមានសមត្ថភាពថ្មីមកជំនួស។
នៅក្នុងសេចក្ដីប្រកាសរបស់ AMD បានឲ្យដឹងថា លោក Rory Read បានសម្រេចចិត្តលាឈប់ ហើយក្រុមហ៊ុនបានជ្រើសតាំងអ្នកស្រី Lisa Su បច្ចុប្បន្នជានាយកចាត់ការទូទៅ (COO) ឲ្យឡើងកាន់តំណែងនាយកប្រតិបត្តិជំនួសលោក Read ព្រោះថាអ្នកស្រីជាបុគ្គលិកស្រីមួយរូបដែលមានសមត្ថភាពខ្ពស់ ស័ក្តិសមនឹងមុខតំណែងនេះ។
លោក Read មិនបានបញ្ជាក់ឲ្យដឹងពីមូលហេតុនៃការលាឈប់នោះទេ ប៉ុន្តែប្រភពដែលជិតស្និទ្ធបានលួចបង្ហើបថា គាត់មិនបានទៅណាទេ គឺគាត់នឹងក្លាយជាសមាជិកក្រុមប្រឹក្សាភិបាល AMD តែម្ដង៕
ព័ត៌មានជាតិ
មតិយោបល់