លោក Sir Alex Ferguson បាននិយាយថា វាបានធ្វើឲ្យមានការចាប់អារម្មណ៍ខ្លាំងណាស់ ចំពោះ Shinji Kagawa ដែលវិលត្រឡប់ទៅកាន់ Borussia Dortmund វិញ បន្ទាប់ពីបិសាចក្រហម ទិញ Juan Mata ពីតោខៀវ។
អតីតអ្នកចាត់ការទូទៅក្លិបបិសាចក្រហមរូបនេះ បាននាំកីឡាករ Kagawa មកកាន់ទឹកដី Old Trafford ក្នុងអំឡុងឆ្នាំ ២០១២ ហើយមានអារម្មណ៍ថា កីឡាករសញ្ជាតិជប៉ុន នេះត្រូវបានដោះស្រាយដោយស្ថានការណ៍មួយដ៏ល្អ ។
ទោះជាយ៉ាងណា ក្រោយពីបិសាចក្រហមតែងតាំង David Moyes ជាគ្រូបង្វឹក ខ្សែបម្រើរូបនេះ ស្ថិតនៅក្រោមការគំរាមកំហែងជាមួយនឹងវត្តមានលេងរបស់ខ្លួន ដោយផ្លាស់ប្តូរយុទ្ធសាស្ត្រលេង។ ក្នុងពេលនោះ Moyes បានទិញ Mata ពីតោខៀវ ហើយការចូលរួមលេងរបស់ Kagawa ត្រូវបានកាត់បន្ថយ។
លោក Ferguson បានប្រាប់ដល់សារព័ត៌មាន Bild ថា “ខ្ញុំពិតជារីករាយខ្លាំងណាស់ ដែលឃើញ Shinji Kagawa វិលត្រឡប់មកកាន់ Dortmund វិញ ដោយតាំងលំនៅមួយយ៉ាងច្បាស់ ហើយពេលនេះខ្ញុំមានអារម្មណ៍ថាឃើញគាត់ស្រុកស្រួលហើយ” ។
ដូច្នេះការសម្រេចចិត្តរបស់គាត់ និង ក្លិប Dortmund ពិតជារឿងត្រឹមត្រូវ ដោយមាន គ្រូបង្វឹកក្រុមមួយលោក Jurgen Klopp ដែលផ្តល់ទំនុកចិត្តត្រូវការគាត់ ។
បញ្ជាក់ផងដែរថា កីឡាករ Shinji Kagawa បានបង្ហាញខ្លួនលេងឲ្យបិសាច្រហមបានតែ ៥៧ លើក ដោយរកគ្រាប់បាល់បានតែ ៦ គ្រាប់ប៉ុណ្ណោះ ៕
មតិយោបល់