គូឡាឡាំពួ៖ ស្ថាប័នមានសមត្ថកិច្ចរបស់ប្រទេសម៉ាឡេស៊ី បានធ្វើការឃាត់ខ្លួនជនជាតិតៃវ៉ាន ចិន ចំនួន ៥០នាក់ និងម៉ាឡេស៊ីម្នាក់ ក្នុងបទចោទប្រកាន់ប្រើប្រាស់បណ្ដាញអ៊ីនធើណែងក្នុងគោលបំណងរកលុយតាមផ្លូវងងឹត។
យោងតាមប្រភពព័ត៌មានសារព័ត៌មាន Asia One News ចុះផ្សាយនៅថ្ងៃទី ២៦ខែធ្នូ ឆ្នាំ ២០១២ នេះថា ម៉ាឡេស៊ី ចិន និងតៃវ៉ាន់ បានធ្វើការសហការគ្នាយ៉ាងជិតស្និទ្ធ ទើបឈានដល់ការចាប់ខ្លួននេះ ដែលតាមការបញ្ជាក់ ក្រុមមនុស្សទាំងនេះ គឺជាមុខសញ្ញាបង្កើតបទឧក្រិដ្ឋតាមរយ:អ៊ីនធើណែត ដោយបន្លំចូលប្រើប្រាស់ប្រព័ន្ធបណ្ដាញទូរគមនាគមន៍របស់រដ្ឋ។
មន្ត្រីពាក់ព័ន្ធនឹងការចាប់ខ្លួនក្រុមមនុស្សខាងលើ បានបង្ហើបឲ្យដឹងថា ក្រុមនេះបានបន្លំរកប្រាក់ចំណូលដោយខុសច្បាប់ ហើយគិតជាទឹកប្រាក់ប្រមាណជា ៤២លានដុល្លារអាមេរិក។
ក្នុងប្រតិបត្តិការចាប់ខ្លួននេះ ក្រុមសមត្ថកិច្ចរឹបអូសបាន កុំព្យូទ័រ គ្រឿងបរិក្ខាទូរគមនាគមន៍ មួយចំនួន ដែលពួកគេទុកប្រើនៅក្នុងផ្ទះប្រណិតមួយកន្លែង៕
មតិយោបល់