បន្ទាយមានជ័យៈ រឿងរាវដីធ្លីរបស់ជនពលីពិការសម័យខ្មែរក្រហម និងយោធិនកាត់រំសាយចំនួន២៣០គ្រួសារដែលបានប្តឹងផ្តល់ទាមទាពីមេរបស់ខ្លួនដែលលួចលក់ជាង១០ឆ្នាំមកហើយ ហើយត្រូវបានចម្រូងចម្រាសចាប់តំណាងជនពិការ និងមានការប្តឹងផ្តល់ដល់រដ្ឋាភិបាល និងសភា ឥលូវត្រូវបានអភិបាលខេត្តបន្ទាយមានជ័យកោះប្រជុំដោះស្រាយ ពេញមួយព្រឹកថ្ងៃទី០៨ តុលា ២០១៤ នៅសាលប្រជុំសាលាខេត្តបន្ទាយមានជ័យ បន្ទាប់ពីរដ្ឋសភាទុករយៈពេល៣ខែអោយអាជ្ញាធេខេត្តដោះស្រាយ ។
ដោយមានការត្រេកអរ និងការដោះហៅដោះស្រាយពីសំណាក់អាជ្ញាធរខេត្ត ជនពិការ និងគ្រួសារបាននាំគ្នាមករាប់រយនាក់ ក្នុងបរិវេណសាលាខេត្តបន្ទាយមានជ័យ ក្នុងនោះមានតំណាងជាច្រើននាក់បានចូលប្រជុំលើកហេតុផលនៅចំពោះ លោក គោស៊ុំ សារឿត និងភាគីម្ខាងទៀត ក៏ដូចជាអតីតមេរបស់ជនពិការ ។ ក្នុងកិច្ចប្រជុំដោះស្រាយនេះតំណាងជនពិការបានលើកឡើងថា ពួកគាត់ទទួលបានដីរបបគោលនយោបាយម្នាក់៥ហិចតាដែលរដ្ឋាភិបាលបានផ្តល់ជូនកាលពីឆ្នាំ១៩៩៧ តែក្រោយមកត្រូវបានបុគ្គលជាអតីតមេរបស់ខ្លួនឃុបឃិតគ្នាយកទៅលក់ ហើយពួកគាត់បានដាក់ពាក្យបណ្តឹងតាំងពីឃុំរហូតដល់ខេត្ត និងរហូតដល់រាជធានីភ្នំពេញ នៅតែមិនទទួលបានដំណោះស្រាយ ទោះបីជា ក្រសួងការពារជាតិ បានស្នើរសុំសម្តេចនាយករដ្ឋមន្ត្រីដើម្បីផ្តល់កិច្ចអន្តរាគមន៍ នូវសិទ្ធគ្រប់គ្រងប្រើប្រាសដីធ្លីជូនយោធិនពិការក៏ដោយ ក៏ពួកគាត់នៅតែពុំទទួលបានដដែលមិនតែប៉ុណ្ណោះពួកគាត់កាន់ទទួលបានការគំរាមកំហែង បណ្តេញចេញ និងចាប់តំណាងរបស់ខ្លួន និងគ្រឿងចក្រពីសំណាក់អាជ្ញាធរខេត្តដែលបានចុះទៅដោះស្រាយកន្លងមក រហូតទ្រាំលែងបាននៅតំណាក់កាលចុងក្រោយក៏រត់ទៅអោយសភាជួយ ។
តំណាងប្រជាពលរដ្ឋបានប្តឹងចោទប្រកាន់មានលោក ព្រាប សារុន លោក ទឹម ម៉ន លោក រស់ ធឿន លោក ម៉ៅ គីរី អតីតះមេខ្មែរក្រហមនៅតំបន់ម៉ាឡៃដែលយកដីរបបយោធិនពិការជាង១.០០០ហិកតានៅស្រុកម៉ាឡៃដែលសម្តេចនាយករដ្ឋមន្ត្រីបែងចែកជូននៅឆ្នាំ១៩៩៧ ត្រូវបានយកទៅលក់អោយឈ្មួញមានលោកស្រី ហ៊ុន សេនី លោក លី អ៊ុតនី លោកស្រី សូរ ចាន់ធូ ទិញអោយក្រុមហ៊ុនថៃ ( ហៃសួរ ) ។
លោក ម៉ៅ គីរី តំណាងអតីតមេខ្មែរក្រហមបានបញ្ជាក់ថា:ប្រជាពលរដ្ឋដែលអះអាងខ្លួនជាយោធិនពិការអតីតះខ្មែរក្រហមនៅតំបន់ម៉ាឡៃសមាហរណកម្ម ដែលចោទប្រកាន់អតីតះមេខ្មែរក្រហមយកដីរបបយោធិនពិការទៅលក់អោយឈ្មួញនោះ គឺគ្មានការពិតឡើយ។ព្រោះថា:អ្នកតវ៉ានិងប្តឹងមួយចំនួនពិតជាយោធិនពិការអតីតខ្មែរក្រហម និងមួយចំនួនទៀតប្រជាពលរដ្ឋមកពីស្រុកខេត្តផ្សេងតាមរយះមេខ្យល់(ឈ្នះបានដីចាញ់បានលុយ) និងប្រជាពលរដ្ឋមួយចំនួនបានលក់ដីរបបខ្លួនអោយទៅគេហើយមកប្តឹងទាមទារទៀត។
លោក គោស៊ុំ សារឿត អភិបាលខេត្តបន្ទាយមានជ័យបានលើកឡើងថា:សម្តេចបានចំណារអោយដោះស្រាយទំនាស់ដីធ្លីស្រុកម៉ាឡៃយោធិនពិការអតីតខ្មែរក្រហម ចំនួន២៣០គ្រួសារនេះអោយបានឆាប់ទុករយះពេល៣ខែដោះស្រាយអោយចប់ ។ តែលោកឆ្លើយតបថា:ទំនាស់ដីធ្លីជនពិការស្រុកម៉ាឡៃនេះដោះស្រាយរយះពេល៣ឆ្នាំទៀតដោះស្រាយមិនចប់ផង ព្រោះភាគីយោធិនពិការលក់ដីហើយត្រូវបានមេអតីតខ្មែរក្រហមលក់ហើយអោយលុយកូនចៅមិនគ្រប់ និងលក់ដីរបបខ្លួនឯងហើយមានមេខ្យល់ញុះញ៉ង់បន្តប្តឹងទាមទាយកវិញទើបមានភាពច្របូកច្របល់ពិបាកដោះស្រាយ ។
រយៈពេលមួយព្រឹកដែលប្រជុំដោះស្រាយ ពុំទាន់មានលិទ្ធផលអ្វីនោះទេដោយគ្រាន់តែភាគីម្ខាងចោតដាក់គ្នា និងដោះស្រាយ និងយកឯកសារអោយអាជ្ញាធរខេត្តពិនិត្យតែប៉ុណ្ណោះក៏រំសាយរងចាំការដោះស្រាយនៅពេលក្រោយម្តងទៀត ដោយពុំដឹងថ្ងៃណានោះទេ ៕
ព័ត៌មានជាតិ
មតិយោបល់