បន្ទាយមានជ័យ៖ ក្មេងស្រី២នាក់ជាបងប្អូនបង្កើតបាននាំគ្នាទៅលេងទឹកប្រឡាយរអិលធ្លាក់អន្លង់ជ្រៅ បណ្តាលឱ្យលង់ស្លាប់ម្នាក់ ចំណែកម្នាក់ទៀតត្រូវបានគេជួយសង្គ្រោះជីវិតទាន់ពេលវេលា ខណៈដែលឪពុកម្តាយជាប់រវល់ទៅតាមខេត្តបាត់ ទុកកូនឱ្យបងប្អូនជីដូនជួយមើល ។ ហេតុការណ៍នេះកើតឡើងកាលពីវេលាម៉ោង៣និង៣០នាទីរសៀល ថ្ងៃទី៨ ខែតុលា ឆ្នាំ២០១៤ ចំណុចប្រឡាយ ទឹកមួយ កន្លែងស្ថិតនៅភូមិប្រហូត សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ ។តាមប្រភពព័ត៌មានពីនគរបាលសង្កាត់អូររអំបិល បានប្រាប់ឱ្យដឹងថា មុនពេលកើតហេតុក្មេងស្រីទាំងពីរបាត់ពីផ្ទះចេញទៅលេងទឹកប្រឡាយមិនដឹងថ្មើរណានោះទេ។ បន្ទាប់ មកស្រាប់តែមានប្រជាពលរដ្ឋដើរឆ្លងកាត់ចំណុចប្រឡាយទឹកនោះ ឃើញក្មេងទាំង២នាក់នោះបានលង់ទឹកទៅហើយប្រជាពលរដ្ឋក៏ចុះទៅជួយសង្គ្រោះ ជីវិតដែរតែក្មេងម្នាក់បានបាត់បង់ជីវិតបាត់ទៅហើយ ។នគរបាលប៉ុស្តិ៍បាននិយាយបន្តថា ពេលស្រង់មកដាក់លើគោកគេឃើញក្មេងស្រីប្អូននៅមានជីវិត។បងមានឈ្មោះ ព្រួញ សុភី ភេទស្រី អាយុ១១ឆ្នាំ បានស្លាប់បាត់ទៅហើយ ។ ចំណែកប្អូនស្រីគេយក ធ្វើចលនា ហើយទើបបានដឹងខ្លួន បន្ទាប់មកត្រូវបានគេដឹកបញ្ជូនទៅកាន់មន្ទីរពេទ្យជួយសង្គ្រោះបន្តទៀត។ ឯក្មេងរងគ្រោះទាំង ២នាក់បច្ចុប្បន្នរស់នៅភូមិព្រហូត សង្កាត់អូអំបិល ក្រុងសិរីសោភ័ណខេត្តបន្ទាយមានជ័យ។បើតាមការធ្វើស្រាវជ្រាវ និងធ្វើកំណត់ហេតុរបស់សមិត្តកិច្ចបានឲ្យដឹងថាក្មេងរងគ្រោះពិតជាលង់ទឹកស្លាប់ពិតប្រាកមែនមូលហេតុគឺក្មេងទាំង២នាក់ទៅលេងទឹកប្រឡាយបានរអិលជើងធ្លាក់ចូលកន្លែងទឹកជ្រៅ ប្រហែល២ម៉ែត្រទើបមិនអាចហែលបានក៏លង់ស្លាបតែម្តង។ សពក្មេងរងគ្រោះត្រូវបានក្រុមគ្រួសារយកទៅចាត់ចែងធ្វើបុណ្យតាមប្រពៃណី ៕
ព័ត៌មានជាតិ
មតិយោបល់