អ្នកនាំពាក្យរបស់កីឡាករ Ronaldo បាននិយាយថា ខ្សែប្រយុទ្ធ លំដាប់ពិភពលោកនេះ មិនចូលរួមលេងជាមួយនឹងក្រុម បិសាចក្រហមសារជាថ្មីម្តងទៀតឡើយ ដោយបានបញ្ជាក់ថា លោកនឹងលេងជាមួយនឹងក្រុម Real Madrid រហូតដល់ថ្ងៃស្លាប់ ។
បញ្ហាមួយដែលធ្វើឲ្យមានព័ត៌មាន Ronaldo ចង់ចាកចេញពីក្លិប Real Madrid ទៅកាន់បិសាចក្រហម ដោយសារតែក្លិប នេះបានលក់កីឡាករល្អៗចេញ ក្នុងនោះ មាន Ozil ,Alonso និង ចុងក្រោយគឺ Di Maria ធ្វើឲ្យខ្លួនមិនសប្បាយចិត្ត និង បង្ហើរពាក្យវិលទៅកាន់ទ្រនំចាស់នៅថ្ងៃណាមួយ ។
ព័ត៌មាននេះបានធ្វើឲ្យពិភពលោកចាប់អារម្មណ៍ ជាពិសេសអ្នកគាំទ្រក្លិបបិសាចក្រហមតែម្តង ឈានដល់ថ្នាក់ សរសេរបដាស្វាគមន៍ កីឡាករនេះ វិលមកកាន់ទឹកដី Old Traford វិញ ។ ក្នុងនោះ Van Gaal ថាលោកក៏ពេញចិត្តក្នុងការនាំយកីឡាករ សញ្ជាតិព័រទុហ្គាលនេះមកវិញផងដែរ ដែលជាអតីតទឹកដីបង្កព្យុះភ្លៀងរបស់ Ronaldo ។
ទោះបីជាយ៉ាងនេះក្តីតំណាង Ronaldo លោក Jorge Mendes បានទទូចឲ្យដឹងថា Ronaldo ចង់ចូលនិវត្តន៍ នៅ Real Madrid ហើយក៏ចង់បំបែកកំណត់ត្រាថ្មី នៅទីនេះដែរ។ Ronaldo ពិតជាស្រលាញ់ បិសាចក្រហម និងគោរពមនុស្សនៅទីនោះ តែអ្វីសំខាន់នៅពេលនេះ គឺស្លាប់រស់ជាមួយនឹងក្លិប Real Madrid ហើយរឿងចាស់គ្រាន់តែស្ថិតក្នុងការចងចាំតែប៉ុណ្ណោះ ។
កីឡាករវ័យ ២៩ ឆ្នាំ នេះ បានរកគ្រាប់បាល់ហ៊ែកទ្រីក ២២ ដង ក្នុងក្របខណ្ឌ La Liga បូករួមទាំង គ្រាប់បាលហ៊ែកទ្រីកចុងក្រោយ ស្ថិតនៅក្រោមការគ្រប់គ្រងរបស់ Carlo Ancelotti ៥ ទល់នឹង ០ ។
សូមបញ្ជាក់ផងដែរថា Ronaldo សរុបការលេងរបស់ខ្លួន ២៥៧ ប្រកួត រកគ្រាប់បាល់បាន ២៦៩ គ្រាប់ ដែលស្ថិតនៅក្រោយ កីឡាករ Di Stefano (307) និង Raul d haul 323 គ្រាប់ ៕
មតិយោបល់