ការទទួលទានអាហារដើម្បីឲ្យស្បែកស្រស់ស្អាតពិតជាមានភាពងាយស្រួលជាងដែលអ្នកគិត។ ទទួលទានអាហារទាំង ១០ មុខដែលមានសមត្ថភាពជួយចិញ្ចឹមស្បែក និងជួយឲ្យស្បែកមានសំណើម។ សូមបន្ថែមរបស់ទាំងអស់នេះចូលទៅក្នុងអាហាររបស់អ្នក អ្នកនឹងសង្កេតឃើញថាស្បែកពិតជាប្លែកមុន បន្ទាប់ពីទទួលទានអាហារទាំងអស់នេះ។
១. ប្រភេទបន្លែស្លឹកពណ៌បៃតងក្រម៉ៅ
បន្លែទាំងនេះមានសមត្ថភាពជួយការពារមិនឲ្យចេញមុន។ បន្លែស្លឹកពណ៌បៃតងចាស់ដូចជាស្ពៃខៀវជាដើមមានសមត្ថភាពប្រឆាំង នឹងអុកស៊ីតកម្ម។ វាអាច ជួយការពារស្បែក កម្ចាត់មេរោគអាក្រក់ដែលបណ្តាលឲ្យកើតមហារីកស្បែក។ ប្រសិនបើសុភាពនារីដែលខ្វះជាតិដែក ស្នាមរង្វង់ខ្មៅជុំវិញភ្នែក នឹងកើតមានឡើង ដូច្នេះហើយគួរតែបរិភោគស្ពៃខៀវ។ ម្យ៉ាងវិញទៀតស្ពៃខៀវក៏មានជាតិស័ង្កសីផងដែរ តាមការសិក្សាមួយរបស់ជនជាតិស្វីសបានឲ្យដឹងថា អ្នកដែលកើតមុនប្រសិនបើបានផ្តល់នូវជាតិស័ង្កសីចូលទៅក្នុងរាងកាយក្រោយ ៣ ខែម្តង នោះមុន ៨៥% នឹងត្រូវបាត់ទាំងស្រុង។
២. ប្រេងអូលីវ
ប្រេងមួយប្រភេទនេះជួយឲ្យស្បែកមានសំណើម និងជួយឲ្យមុខសភ្លឺរលោង បរិមាណនៃខ្លាញ់ និងប្រេងជាតម្រូវការនៅក្នុងម្ហូបអាហារ វាមានសារៈសំខាន់ជួយឲ្យស្បែកទន់រលោង។ អ្នកដែលមានស្បែកស្ងួត ឬក៏របកស្បែកប្រសិនបើទទួលទានអាហារដែលមានជាតិប្រេង និងខ្លាញ់ នោះវានឹងជួយឲ្យកាត់បន្ថយស្បែកស្ងួត ឆាប់ជាសះស្បើយ និងកាន់តែមានភាពក្មេងជាងវៃក្នុងរយៈពេលតែ ២ ទៅ ៣ សប្តាហ៏។ ប្រេងអូលីវ ១ ស្លាបព្រាបាយក្នុង ១ ថ្ងៃ ឬក៏ទទួលទានសាឡាតជារៀងរាល់ថ្ងៃនឹងជួយដល់ស្បែកស្ងួត និងស្បែកខូច។ សម្រាប់អ្នកដែលរន្ធញើសបិទជិត ខ្លាញ់ និងប្រេងអូលីវនឹងជួយបើករន្ធញើស។
៣. ដើរកំសាន្តតាមឆ្នេរ
ការដើរកសាន្តតាមឆ្នេរក៏អាចជួយឲ្យស្បែកមានសំណើម និងជួយរក្សាសុខភាពឲ្យបានល្អ ព្រោះមានចំហាយទឹកជាអ្នកព្យាបាលស្បែកមិនឲ្យចេញរោគភ្លឺ។ ប្រតិកម្មស្បែកនឹងធ្វើឲ្យស្បែកមើលទៅត្រឡុកត្រឡុន ហើយស្បែកមានជាតិខ្លាញ់ច្រើននឹងបណ្តាលឲ្យស្បែកជ្រីវជ្រួញបាត់បង់សម្បុរ។ គំនិតដែលល្អគឺអ្នកគួរតែទទួលទានទឹកយ៉ាងតិច ៨ កែវក្នុង ១ ថ្ងៃដើម្បីឲ្យស្បែកមានសុខភាពល្អ។
៤. ផ្កាខាត់ណា (អាមេរិចកាំង)
ផ្កាខាត់ណាអាចជួយឲ្យស្បែកទន់ និងក្មេងជាងវ័យ ព្រោះវាផ្ទុកនូវបរិមាណវីតាមីន A និងវីតាមីន C ច្រើនព្រមទាំងប្រូតេអ៊ីនដើម្បីប្រឆាំងនឹងជំងឺមហារីកស្បែក។ វីតាមីន C អាចជួយឲ្យស្បែកទន់ និងភ្លឺថ្លា។ ចំណែកឯវីតាមីន A វិញអាចជួយការពារស្បែកពីការឆ្លងមេរោគផ្សេងៗ។
៥. ផ្លែឈើតូចៗ
ផ្លែឈើអាចកាត់បន្ថយភាពជ្រីវជ្រួញ ជួយដល់សុខភាពស្បែក ផ្លែឈើតូចៗទាំងនេះជាឃ្លាំងផ្ទុកនូវសារធាតុដែលប្រឆាំង នឹងភាពវ័យចំណាស់។ ផ្លែឈើតូចៗក៏អាចជួយការពារ និងសមភាពការចងចាំបានតិច។ ផ្លែស្តបប៊ឺរីទុំផ្ទុកនូវវីតាមីន C ដែលជួយជម្រុះកោសិកាស្បែកចាស់ចេញ ជួយឲ្យស្បែកថ្មីកើតឡើងវិញ និងក្មេងជាងវ័យ។
៦. ត្រីសាល់ម៉ុន
ត្រីសាល់ម៉ុនអាចជួយកាត់បន្ថយកន្ទួលរមាស់លើស្បែក និងជួយឲ្យស្បែករលោងស្អាត ត្រីសាល់ម៉ុនផ្ទុកនូវអាស៊ីតខ្លាញ់ ៣ ប្រភេទ ជួយប្រឆាំងនឹងស្បែកស្ងួត ជួយកាត់បន្ថយភាពហើមនៅលើស្បែក។ អាស៊ីតខ្លាញ់ទាំងនេះក៏អាចមាននៅក្នុងត្រីស្បៃកា ត្រីសមុទ្រ ឬក៏នៅក្នុងផ្លែឈើ។ ប្រសិនបើអាច អ្នកគួរតែទទួលទានខ្លាញ់ត្រី ២ ក្រាម (ដែលអាចរកបាននៅតាមឱសថស្ថាន) ស្មើនឹង ១១៤ ក្រាមនៃខ្លាញ់របស់ត្រីសាល់ម៉ុន។ ឬក៏សាកល្បងប្រេងធញ្ញជាតិ និងគ្រាប់ធញ្ញជាតិសម្រាប់អាហារពេលព្រឹករបស់អ្នក។ ខ្លាញ់ត្រីនិងគ្រាប់ធញ្ញជាតិផ្ទុកនូវជាតិស័ង្កសីដែលអាចជួយព្យាបាលមុនយ៉ាងមានប្រសិទ្ធិភាព និងជួយឲ្យកោសិកាលូតលាស់បានល្អ។
៧. ផ្លែឪឡឹក
ផ្លែឪឡឹកអាចការពារស្បែករលាក និងជ្រីវជ្រួញ ព្រោះវាមានផ្ទុកនូវប្រូតេអ៊ីនដែលអាចជួយទប់ទល់មិនឲ្យស្បែកជ្រីវជ្រួញ។
៨. សណ្តែកសៀង
ប្រសិទ្ធិភាពរបស់សណ្តែកសៀង អាចជួយបំបាត់ស្លាកស្នាមនៅលើផ្ទៃស្បែក ការពារមិនឲ្យកើតមុន។ ពេទ្យសើស្បែកបាននិយាយថាត្រូវទទួលទានសណ្តែកសៀង ៨៥ ក្រាមក្នុង ១ សប្តាហ៍។ ម្យ៉ាងវិញទៀតសណ្តែកសៀងផ្ទុកនូវវីតាមីន E ដែលអាចជួយឲ្យកោសិកាលូតលាស់បានល្អ និងជួយរក្សាឲ្យស្បែកទន់។
៩. ការ៉ុត
ការ៉ុតមានអត្ថប្រយោជន៍ ក្នុងការជួយការពារភាពជ្រីវជ្រួញ និងធ្វើឲ្យស្បែកស្អាត មានសុខភាពល្អ មិនថាពេលណាក៏ដោយ ទំពារការ៉ុតឲ្យបានច្រើនពីព្រោះការ៉ុតផ្ទុកនូវវីតាមីន A ដែលមានសារៈសំខាន់ជួយបំបាត់ភាពជ្រីវជ្រួញ។ អ្នកក៏អាចរកបាននៅក្នុងផ្លែឈើ និងបន្លែដូចជាផ្លែសេរី ឬដំឡូងបារាំង។
១០. ម្សៅអាវ័ន
ម្សៅប្រភេទនេះអាចជួយកម្ចាត់ជាតិពុល និងជួយឲ្យស្បែកលូតលាស់ ការទទួលទានម្សៅអាវ័នដូចជាបបរសម្រាប់អាហារពេលព្រឹក គឺពិតជាល្អសម្រាប់សុខភាពស្បែក។ វានឹងទៅកម្ចាត់ជាតិពុលពីក្នុងខ្លួន និងធ្វើឲ្យស្បែកអ្នកស្អាត។ ម្សៅអាវ័នសម្បូរទៅដោយវីតាមីន B ជួយផលិតកោសិកាស្បែកថ្មី៕
មតិយោបល់