តារាស្រីវ័យ ២៤ ឆ្នាំ ដែលចែករំលែកជាមួយនឹងទស្សនាវដ្តី Vanity Fair សម្រាប់ខែ វិច្ឆិកា កំពុងតែក្លាយជាជនរងគ្រោះដោយសារតែ បញ្ហាជនខិលខូច Hack យករូបអាក្រាតរបស់នាង ។
តួស្រីក្នុងរឿង Hunger Game នាង Jennifer lawrence បាននិយាយថា “ខ្ញុំពិតជាភ័យខ្លាចខ្លាំងណាស់ ដោយមិនដឹងថារឿងនេះវាប៉ះពាល់ដល់អាជីពរបស់ខ្ញុំ វាពិតជារំលោភដល់ជីវិតឯកជនរបស់ខ្ញុំ” ។
នាង Jennifer lawrence ត្រូវបានក្រុម Hacker ធ្វើការលួចរូបភាពតាមរយៈ iCloud ដែលធ្វើឲ្យអ្នកគាំទ្រ និងពិភពលោកភ្ញាក់ផ្អើល ជាមួយនឹងរូបភាពអាក្រាតកាយរបស់នាង ដែលធ្លាយទៅកាន់សាធារណៈជន ខណៈដេលប្រព័ន្ធការពារពាររបស់ Apple នៅមានកម្រិតនៅឡើយនោះ ។
មិនមែនមានតែ Jennifer lawrence តែម្នាក់នោះទេ គឺនៅមានតារាជាច្រើនដែលលេចរូបអាក្រាតរបស់ខ្លួនលើអនឡាញ ក្នុងនោះមាន Kim Kadarsian និង Rihanna ជាដើម ។
Jennifer lawrence បានសម្តែងនូវអារម្មណ៍ខឹងក្រោធ ចំពោះ Hacker ដែលយាយី ដល់ជីវិតឯកជនរបស់នាង ដែលធ្វើឲ្យភាពសប្បាយរីករាយរបស់នាង ដែលមានសព្វដង ប្រែក្លាយខ្លួនទៅជាមនុស្ស ឯកា និងប៉ះពាល់ដល់អាជីពសម្តែងរបស់នាង។
ខាងក្រុមហ៊ុន Apple គួរតែទទួលខុសត្រូវលើបញ្ហានេះ ដែលធ្វើឲ្យរូបអាក្រាតលក្ខណៈឯកជនរបស់ខ្លួនថត ហើយផ្ញើទៅអតីតមិត្តប្រុស ធ្លាយហូរហៀរទៅកាន់ អនឡាញ ហើយយើងត្រូវការផ្លាស់ប្តូរវា ច្បាប់គួរតែមាន លើបញ្ហានេះ ខណៈដែលមនុស្សជាច្រើនបានចោទប្រកាន់លើឥរិយាបទ អាក្រក់របស់នាង ចំពោះការថតរូបក្តៅសាច់នេះ ។ នេះបើតាមសម្តីរបស់ នាង Jennifer lawrence ថ្លែងប្រាប់អ្នកសារព័ត៌មាន ៕
ព័ត៌មានជាតិ ព័ត៌មានសិល្បៈ និងកម្សាន្ត
មតិយោបល់