កុងត្រាថ្មីតារាបាល់ទាត់របស់ក្លិប Real Madrid លោក Cristiano Ronaldo នឹងមានតម្លៃរហូតដល់ទៅ ១ ពានលានអឺរ៉ូ ។នេះបើតាមអ្នកនាំពាក្យកីឡាករ Cristiano Ronaldo ថ្លែងប្រាប់អ្នកសារព័ត៌មាន។
កីឡាករសញ្ជាតិព័រទុហ្គាល បានរកគ្រាប់បាល់ ១៩ គ្រាប់ក្នុងចំណោម ១១ ប្រកួត នៅរដូវកាលនេះ នឹងសង្ឈឹមថាអាចនឹងឈ្នះពាន Ballon d’Or សារជាថ្មីម្តងទៀត។
លោក Mendes បានធ្វើការអះអាងថា Ronaldo នឹងចូលនិវត្តន៍ពីពិភពបាល់ទាត់ នៅអាយុ ៤០ ឆ្នាំ នៅជាមួយនឹងក្លិប អធិរាជស Real Madrid បើទោះបី ពាក្យចចាមអារាមថា មានទំនាក់ទំនងទៅកាន់ បិសាចក្រហមវិញក៏ដោយ។
ប្រាប់ទៅកាន់សារព័ត៌មាន AS លោក Mendes បាននិយាយថា ” Ronaldo ជាកីឡាករដ៏ល្អបំផុត ក្នុងប្រវត្តិសាស្ត្របាល់ទាត់ និងជាអត្តពលិកដ៏ល្អគ្រប់ពេលវេលា និងលើពិភពលោក” ។
នៅពេលដែលអ្នកសារព័ត៌មានសួរអំពីតម្លៃខ្លួន កីឡាករ ដែលក្លិបផ្តល់ឲ្យ លោក Mendes បានឆ្លើយតបថា “តម្លៃអាចចាប់ផ្តើមពី ១ ពាន់លានអឺរ៉ូ គិតជាផោន ៧៨៥ លានផោន ប្រហែល ១២៦៥ លានដុល្លារអាមេរិក” ។ តម្លៃខ្លួននេះ វានឹងអាចកើតមានឡើងរហូតពេលលោកចូលនិវត្តន៍ ។ រដូវកាលនេះដែរ គាត់អាចនឹងរកគ្រាប់បាល់បានយ៉ាងស្អុយបំផុត ៦០ គ្រាប់ ។
អ្នកនាំពាក្យរូបនេះ បានបន្ថែមទៀតថា “សម្រាប់បិសាចក្រហមជាកន្លែងស្ថិតនៅក្នុងបេះដូងរបស់គាត់ ដោយគាត់គោរពមនុស្សនៅទីនោះ តែទីបញ្ចប់អាជីព គឺនៅ ក្លិប Real Madrid ” ៕
មតិយោបល់